日元再跌! 買日版iPhone 13 Pro平好多!

熱話

廣告

日元持續跌,跌至1998年新低,今日(6月22日)已經跌至每百日元兌換5.75港元,對於香港人而言日元出現新低位當然興奮,突破「6算」關口之外仲要繼續下跌。雖然依加未必可以即時飛到日本當地旅行購物,但係如果由網上網購日本版嘅電子產品就十分之抵!

今日6月22日)已經跌至每百日元兌換5.75港元
今日(6月22日)已經跌至每百日元兌換5.75港元(圖片來源:yahoo!財經網站)

網站買日本版Apple產品超抵

因為日元兌換外幣匯價持續下跌,依加日元兌換港元已經係自1998年嘅新低,再加上當地嘅電子產品未能即刻調整好官網嘅售價,所以外國人以外匯去購買日本版嘅電子產品相對平好多,等同於享有相當大嘅折扣優惠,特別係一啲奢侈品同電子產品等等,價錢隨時會等同於係香港版本嘅8折!當中就包括Apple嘅產品。以Apple嘅iPhone 13 Pro為例,目前日本官方嘅售價為¥122,800 起(折合約港幣$7061),7000千港元左右就可以買到啦!而香港版本嘅價錢係$8499起,兩個版本嘅價錢相差足足有$1438元,買日本版等於有成83折。所以報導指出,近日有好多身處喺日本嘅外國人都紛紛大手買入 iPhone、iPad同iPods等等,為咗賺兩地嘅匯率差價,而且入手難度唔高,容易購買。

日元 目前日本版iPhone 13 Pro嘅售價為¥122,800 起
目前日本版iPhone 13 Pro嘅售價為¥122,800 起(圖片來源:日本Apple網站截圖)
日元 香港版本嘅iPhone 13 Pro價錢係$8499起,同日本版嘅價錢相差足足有$1438元。
香港版本嘅iPhone 13 Pro價錢係$8499起,同日本版嘅價錢相差足足有$1438元。(圖片來源:香港Apple網站截圖)

相機拍照會發出聲響

由於日本當地防偷拍法規嘅關係,政府規定所有喺當地發售嘅手機都唔可以將相機快門聲調至靜音,截圖時都照樣會發出「咔擦」聲響。

日元
(圖片來源:香港Apple網站截圖)

購買簡單方便

香港人要入手一部日本版嘅 iPhone 十分之方便,除咗可以透過當地朋友或者水貨商購買 iPhone 之外,第三方網站如 Amazon 等都可以購買到 iPhone。如果遇上未能直接運到香港嘅問題,一樣可以搵集運服務解決。

日元 第三方網站如 Amazon 等都可以購買到 iPhone
第三方網站如 Amazon 等都可以購買到 iPhone(圖片來源:Amazon網站截圖)
日元 集運網站仲做緊優惠
集運網站仲做緊優惠(圖片來源:SHIPGO網站截圖)

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

關鍵詞
日元教學
圖片來源:yahoo!財經網站, 日本Apple網站截圖, 香港Apple網站截圖