【新冠肺炎】泰國大象餓到皮包骨！主人：冇遊客，哪有錢買嘢俾佢食？

撰文：神仙b｜圖片：Viral Press、getty image、Google map截圖｜編輯：海月

泰國大笨象餓到皮包骨

【新冠肺炎】泰國觀光業高度仰賴中國客源，但由於新冠肺炎疫情持續擴散，泰國持續對造訪當地嘅包括中國在內嘅外籍人士採取入境限制措施。此舉大大減少中國觀光客，泰國旅遊業者生意慘淡。

此外，為了更好管控泰國當地疫情傳播，多種娛樂場所被限制營業。而泰國芭堤雅暹羅大象園正係其中之一，動物園因而冇收入。無遊客看表演和在園內消費，苦嘅唔單止係老闆，更係園內的大笨象。

園區冇收入 大象餓到皮包骨

據外媒消息指，泰國芭堤雅暹羅大象園的55歲雄性大象Khun Pan餓到皮包骨。Khun Pan因太餓而冇力站立，只能躺在硬泥地上。令身體生瘡和布滿傷痕，象牙也因營養不良變得脆弱斷裂，而且餓到頭骨都凹陷，情況慘不忍睹。在只剩下幾日命時被當地居民發現，大家即時通知獸醫。而獸醫抵達大象園時，Khun Pan已瘦弱到時日不多，醫護要用皮帶承托牠身體，然後將皮帶掛在一棵樹上助牠重新站立，其後又替牠吊鹽水和治療傷口後才救翻牠一命。

動物園老闆話自己損失慘重 大笨象主人稱冇錢買嘢食俾Khun Pan

55歲主人Lee Petchkla稱，因為疫情去年3月起遊客禁止前來，他飼養Khun Pan已現困難，去年12月又爆發第二波疫情，他已無錢買菠蘿或其他營養食品給Khun Pan。Khun Pan目前仍留在暹羅大象園養傷，當地熱心居民帶上Khun Pan 最愛嘅香蕉、甘蔗同菠蘿探望牠，為牠補充營養，Khun Pan 健康已經日漸改善。

不過，芭達雅暹羅大象園（Chang Siam Elephant Park）老闆 Nantakorn Phatnamrob 就向媒體訴苦稱，自疫情爆發以來，佢已虧損近 65,000 美元。如果情況持續落去，佢分分鐘會陷入負債，以致不得不向銀行貸款。