學做《大時代》慳妹!6招抗通脹慳錢扮靚貼士

熱話

廣告

現實中雖然劉青雲同郭藹明係1對模範夫妻,不過喺神劇《大時代》入面,方展博真正愛嘅係「慳妹」阮梅(周慧敏飾),而冇揀到龍紀文喎,係啱嘅,「慳妹」雖然慳到離晒罩,但又真係幾得人鍾意,如果我係男人都揀「慳妹」啦!只係估唔到23年後嘅今日,喺香港地生活都重係咁艱難,公屋冇我份,樓又供唔起,想點先?如果「慳妹」未死,佢會點樣慳住扮靚呢?

text-edel photo-網上圖片

1. 有着數唔係唔拎呀化?
「慳妹」只係肯俾1蚊茶錢俾4個搬屋佬,真係慳到世界盡頭,其實而家雜誌、報紙都有好多送禮遊戲,而各大美容品牌都會喺佢哋嘅Facebook Fan Page定期搞下giveaway活動,或者送啲sample,真係有咁大隻蛤乸隨街跳㗎!一於即時like晒所有專頁,定期follow下有咩jetso先!

2. Mark實所有優惠情報!
「慳妹」買咩都要講價嘅,連買對魷魚鞋都要諗足幾年,有時真係頂佢唔順!不過呢,買護膚品同化妝品就唔同喺街市買菜,係冇價講嘅,不如多啲留意下啲品牌或者shopping mall有冇特別嘅promotion重好啦!

 
內容延讀

唔使錢睇4 大YouTuber學化妝,再慳多啲

想再慳啲睇埋日系天真眉,點化

3. 不如交換啲唔啱用嘅護膚品同化妝品啦!
「慳妹」因為食隔夜餸搞到有霍亂,買到啲唔啱用或者會敏感嘅護膚品同化妝品,佢一定會唔怕死繼續用,到時真係美容變毀容喇!與其用到爛面,不如同friend交換啦!連friend都幫你唔到,都重有計嘅,Facebook有個group叫Beauty Exchange,嗱,呢個group就唔係你諗緊嗰個,呢個Beauty Exchange係1個交換區平台,成員可以交換/出售/轉讓啲用咗唔啱用嘅2手護膚品同化妝品,或者買咗唔想用嘅新品都得,夠環保!

4. 一物多用先至抵!
有時唔一定買少件嘢先係慳錢嘅,買1樣有多用途嘅好物,令你唔使再晒錢買其他嘢,鍚住你荷包!

 
內容延讀

唔使錢睇4 大YouTuber學化妝,再慳多啲

想再慳啲睇埋日系天真眉,點化

5. 美甲不求人!
望住方展博被丁蟹一家人捉上車,「慳妹」雖然上咗的士追,但的士錶跳到$99.9嘅時候,佢即刻叫停,1個咁慳嘅人又點會出去整甲?港女最鍾意整gel甲,指甲畫晒花痴晒石,靚唔靚就真係見仁見智喇,識整梗係自己整!

6. 一路做家務一路護手!
除咗做咗人哋阿媽,我諗真係冇邊女仔/人鐘意做家務!如果做家務嘅時間,可以順便美手,聽落都唔錯喎!首先洗乾淨對手,再搽啲椰子油滋潤下,戴番透明膠或者醫護手套,再笠番對膠手套去做家務就得,幾十分鐘之後,除番晒啲手套sss,哇,雙手即時又白又滑,幾辛苦都值番晒!

常見問題

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

YOU MAY ALSO LIKE ...

There are 4 comments

Add yours

Comments are closed.