度蜜月遇老公女神 網紅妻即被冷落

熱話

廣告

相信唔少人親眼見到自己鍾意嘅偶像時除咗會興奮到忘我之外,分分鐘仲忘埋身邊個位同行者,就算身邊嘅係網紅靚女都唔例外。Tik Tok網紅 Lya Mariella 就透露,佢同新婚丈夫一齊到法國巴黎度蜜月嘅時候,喺晚宴上丈夫竟然見到自己鍾意嘅AV界偶像,並將佢一直冷落係身邊,不過事件到後面竟然出現反轉,引起網民熱論。

網紅 Lya同新婚丈夫一齊到法國巴黎度蜜月嘅時候,喺晚宴上丈夫竟然見到自己鍾意嘅AV界偶像,並將佢一直冷落係身邊
Lya同新婚丈夫一齊到法國巴黎度蜜月嘅時候,喺晚宴上丈夫竟然見到自己鍾意嘅AV界偶像,並將佢一直冷落係身邊(圖片來源:IG@lyamariella)

Tik Tok數臭丈夫冷落佢

Lya喺Tik Tok曬出咗幾段影片,影片中可見Lya精心打扮手持一杯酒悶悶不樂嘅樣子,原來係因為同丈夫一齊出席晚宴時巧遇被稱為「世界第一女優」嘅前AV女優 Mia Khalifa。Lya並表示丈夫一直通過手機聊天軟件向友人炫耀見到 Mia Khalifa,完全冷落咗呢位新婚妻子。喺Tik Tok嘅呢段抱怨影片竟然受到Mia Khalifa 嘅關注並回應:「我男友都一直係到㩒電話,不如我哋聽日唔好理佢哋,一齊去買嘢。」Lya開心回應:「我喺愛馬仕店面購物中。」,Mia Khalifa 隨後表示:「佢欠妳一個鉑金包(愛馬仕Hermès Birkin Bag)!」

網紅 影片中可見Lya精心打扮手持一杯酒悶悶不樂嘅樣子。
影片中可見Lya精心打扮手持一杯酒悶悶不樂嘅樣子。(圖片來源:TikTok@lyamariella)
網紅 被稱為「世界第一女優」嘅前AV女優 Mia Khalifa。
被稱為「世界第一女優」嘅前AV女優 Mia Khalifa。(圖片來源:IG@miakhalifa)

丈夫賠罪 Mia成為新「乾媽」

最後丈夫用Hermès Birkin 鉑金包向Lya賠罪,而Lya喺Tik Tok上都更新同 Mia Khalifa 嘅同框影片並稱對方係自己新收到嘅鉑金包嘅「乾媽」,影片中都顯示氣氛交流相當歡樂。2位女子喺異國展開嘅奇妙友情都令網民熱議。

網紅 丈夫用Hermès Birkin 鉑金包向Lya賠罪。
丈夫用Hermès Birkin 鉑金包向Lya賠罪。(圖片來源:TikTok@lyamariella)
網紅 Lya喺Tik Tok上更新同 Mia Khalifa 嘅同框影片並稱對方係自己新收到嘅鉑金包嘅「乾媽」。
Lya喺Tik Tok上更新同 Mia Khalifa 嘅同框影片並稱對方係自己新收到嘅鉑金包嘅「乾媽」。(圖片來源:TikTok@lyamariella)

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

圖片來源:IG@lyamariella, TikTok@lyamariella, IG@miakhalifa