「解決失眠問題」為賣點！ 香港本地遊首創「巴士瞓覺團」、長達76公里行程
撰文：海月｜圖片來源：ulu、LIHKG
香港本地遊首創「巴士瞓覺團」
因為疫情關係，香港人經已長達近兩年未能外遊。除咗酒店Staycation，香港本地遊亦成為香港大眾近年非常熱衷嘅事情。估唔到除咗唔同地區嘅香港本地遊，今次更有團體首創「巴士瞓覺團」！
呢個由「ulu」舉辦嘅「巴士瞓覺團」，更以「解決失眠問題」為賣點之一！「巴士瞓覺團」介紹中直言：搭開巴士嘅您，次次瞓到最冧嘅時候就要落車？想盡情瞓幾小時巴士，無人嘈醒您？全港首創嘅「巴士瞓覺團」一定幫到您！
而呢個「巴士瞓覺團」更係由ulu特別設計出全港史上最長巴士線：全程76公里，將圍繞屯門公路同北大嶼山公路兜一圈，總行程時間 6小時，比現存最長巴士路線仲要長，包大家夠瞓！
而且今次「巴士瞓覺團」更分三大艙等，分別喺：
- 上層靜音區「零分貝瞓覺艙」，俾您慢慢瞓足數小時！
- 上層前面位置「VIP全景艙」，方便各大巴膠拍片影相睇風景！
- 下層「任您打卡艙」，同朋友傾計，甚至認識其他朋友都無問題！
而行程包括：「飯氣攻心餐」先喺荃灣西站附近享用西式午餐，飯氣攻心自然瞓得更冧！然後巴士會駛往第一個打卡點，充滿熱帶風情嘅新興打卡點屯門浩和街。
之後會前往第二個打卡點機場維修區，未有得飛，就睇下飛機啦。再前往第三個打卡點迪欣湖，唔使俾錢入迪士尼，都可以有迪士尼feel！而到達青衣站巴士總站，乘客可選擇自由解散，或回程荃灣西巴士站完結旅程。而沿途有多個廁所位及落車位，方便乘客落車。
一眾網民得知「巴士瞓覺團」都大讚：有創意！亦有網民表示「得一團唔夠」，另外官方亦表明如果乘客噪音太大將會被請落車。
想參加嘅朋友可前往官網報名：https://ulu.travel/product/HKTOUR08
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
