【小鮮肉】72歲婆婆慘被小鮮肉教練呃身家！碌爆卡月還3萬、無錢開飯 網民：考慮下係時候轉工

撰文：神仙b｜圖片：Facebook 截圖｜編輯：海月

【小鮮肉】72歲婆婆慘被小鮮肉教練呃身家！碌爆卡月還3萬、無錢開飯 網民：考慮下係時候轉工

一名72歲嘅獨居婆婆9年前以200萬元購入舒適堡15年健身會籍；去年欲申請退會時，卻慘遭27歲無良健身教練詐騙，搞到自己宜家欠落70多萬元大筆卡數！由於現時每月需還3萬元卡數，婆婆已經陷入三餐不繼嘅局面。婆婆實在撐唔落去，無奈向社工同區議員求助。

據稱72歲嘅婆婆姓馮，已退休多年。退休前在一間非政府組織（NGO）任職文員。現無兒無女無親人，獨居於房協「長者安居樂」屋苑彩頤居。馮婆婆透露，自己唔單止全副身家260萬元被騙走，更碌咗90萬信用卡幫健身教練買名錶！搞到依家自己每月需還款3萬蚊卡數。年關將近，想到自己無錢過年，亦無錢食飯，表示自己「我好唔開心」。

所幸，彩頤居經理、警方、區議員等收到求助之後都對馮婆婆提供協助。「長者安居樂」職員更派米、油等物資婆婆。不過馮婆婆就強調，現時自己仍很需要幫忙。

被問到點解一次過買15年健身會籍時，馮婆婆就解釋係自己9年前基於健康因素；先一次性購，一炮過俾咗200萬元。到舊年9月因「個人原因」希望退回套票及會費，先知俾27歲姓陳無良男健身教練騙！

陳男假意協助馮婆婆退會，要求她先交現金，一個月內「狂撳」她260萬元。其後，兩人又同遊名錶舖，喺陳男嘅要求下，馮婆婆「碌卡」為其購買4隻名錶，共值90萬元。陳男囉完馮婆婆禮物之後就失去蹤影。

馮婆婆在陳男失聯開始懷疑自己被騙，於是於上月24日報警。警方昨日在大埔一名27歲姓陳男子，涉嫌以「欺騙手段取得財產」。馮婆婆稱與男教練並無感情瓜葛，但警方則表示仍循兩人關係着手調查。