大陸賤男扮富二代騙財騙色 2年「交往19女生6孩」
廣告
早前Netflix《Tinder詐騙王》揭露男子用交友Apps騙財騙色嘅記錄片喺全球大爆，近日內地就爆出現咗個大陸版《Tinder詐騙王》，事件公開後引起網民熱論，一名身材肥胖嘅男子用改裝嘅豪華房車、高仿名牌同手錶等等偽裝成富二代，期間同時引來19位年輕女子受騙，更加喺短短兩年令女子們為佢生下共6名子女同騙取數百萬人民幣。事件曝光後男子被警方拘捕，男子不但沒有悔意，亦唔認為自己係騙子欺騙感情。
兩人喺交友Apps認識
河南一名女子喺2017年6月透過交友Apps認識涉事男子 ，男子自稱係大學生，畢業後喺家族公司幫手做外貿生意，並有多項投資等。兩人相處一段時間後女子認為男子相當貼心，對佢呵護備至，形容佢係：「有學歷、有能力、有一定經濟基礎，對自己又溫柔體貼、關懷入微，可以說除去相貌外，堪稱一個完美好男人」，所以佢地交往1年半後就生下小孩。
男子失蹤不翼而飛
女子生完孩子後就聯絡唔到男子，所有聯絡渠道都搵唔到男子，就好似人間蒸發一樣，直到女子發現自己嘅兩架車都消失之後，回想兩人交往期間男子經常以公司周轉不靈為由向佢借錢，而到後期還錢嘅頻率仲愈來愈低，先知道男子其實係騙財騙色嘅慣犯。
男子2年內欺騙至少19名女性
根據警方統計，男子喺2017年到2019年2年間就已經欺騙至少19名女性，其中6人為佢誕下孩子。男子被捕後，解釋稱：「錢是準備還的，只不過要花多少年還就說不準了」。事件曝光後網民都大驚：「這已經是時間魔術師了吧」、「被他騙的我也是服了耶」、「最可憐的是這6孩吧，無端被捲入這場災難」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
圖片來源：微博＠深圳校園菌, 《Tinder詐騙王》劇照, 微博＠河洛君
