【家居風水】港女老婆呻連累丈夫運滯被裁：上手租客破產失業影響風水！
撰文：海月｜圖片：親子王國｜編輯：HM
【家居風水】港女老婆呻連累丈夫運滯被裁
日前有港女老婆喺網上討論區「親子王國」發帖，指現時正租住荃灣西一單位，不過因為覺得住屋風水有問題，更影響家宅運情，所以很想盡快搬走。不過要到11月才完租約，問一眾網民應該點做、以及應否完租約再搬：
我租荃灣西呢度風水麻麻，上兩手租戶係外籍人士，一個破產，一個係機師失業。我哋住落都運滯，老公琴日俾人即時炒，又有工程財務糾紛。
雖然地產經紀並唔會透露前租客情況，不過港女老婆就表示睇樓時見到係一對新婚夫婦，而對方丈夫係外國人機師，剛好失業。而之後入住後，竟然接獲前前住客嘅破產信。
有網民奇怪何以樓主知道上兩手租客的情況，指地產經紀不會透露前租客的情況，她解釋上一次睇樓見到新婚夫婦，老公是外國人，知道他是機師及失業了。另外，之後入住了收到再對上一次破產信，估計是另一個租客。雖然港女老婆表示租住新屋苑交通方便，不過當佢同網民分享屋外景色及住宅圖則照片時，就有網民直指住宅「缺角」、環景亦見有煞氣，直言通常住半年或以上會開始受影響。港女老婆即時大呻很想盡快搬走：
好唔開心，滿心歡喜住，估唔到搞成咁。依家搵啲1萬頭嘅屋苑住，之前仲專登買新傢俬，仲通知親戚朋友上嚟食飯，依家搞成咁……
港女老婆發文後決定搵業主商討，最後業主亦不收附加費，俾港女老婆一家提早搬走。而港女老婆亦決定搬去近工作地點的屋苑，7月會正式搬屋，而決定搬走後老公即獲聘：
今日拎咗紙皮箱嚟緊pack嘢，老公就有offer 。此地不宜久留！有啲嘢唔到我唔信！環境好新樓都無用。
唔少網民都紛紛支持港女老婆「人有人運，屋有屋運，有時係唔夾就唔夾，唔到你信定唔信」：
以前有朋友唔信邪，買咗墳景單位，全家運滯，諸事不順，有時唔到你唔信。我係業主會清咗單位先租俾人，點會被下一個租客知道上一個租客運滯咁趕客。我會同租客講，對上兩個租到在樓上買咗個大單位，對上一個平步青雲，步步高昇。有時所謂風水，有時都係心理作用， 撒個小謊， 無傷大雅。
網民點睇：
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
