【新蚊熱話】孫耀威轉職做網紅 大陸網直播狂袋100萬！
廣告
差唔多每個藝員每個歌手北上發展，都會有好好嘅錢銀收入。睇睇最成功嘅「而我不知道誰」嘅陳偉霆就知道啦！曾經被雪藏嘅孫耀威都抵受唔住香港無前途嘅命運，轉去大陸直播網站「虎牙」做直播主，首播就即吸350萬人觀看，認真勁！
撰文：熱話男神丨圖片：連登、虎牙
孫耀威變網紅 狂袋100萬港紙！
46歲嘅孫耀威首次開Live做主播，就即刻吸引咗350萬人觀看，成為史上最強觀看Live嘅人數，即刻打低晒嗰啲大波波呀、打機機嘅主播！你話佢嘅威力幾咁犀利！
你都知啦，直播就緊係會有人捐吓錢支持吓個主播啦，但對於孫耀威嚟講唔係捐錢。人哋直頭大筆大筆咁送錢佢使呀！第一次開Live就收到100萬港紙入帳，真係「爽YY」啦！
連登有部分巴打今次都話孫耀威呢個決定都唔錯。畢竟喺香港，真係連搵兩餐飯仔食吓都難….
