【女婿Overcooked!】想喺岳父母面前大顯廚藝！女婿表演火燒廚房

撰文：神仙b｜圖片：秒聞視頻截圖｜編輯：海月

男子拜年想喺岳父母面前顯廚藝 最終燒著岳母屋企

新年拜年作為女婿梗想喺岳父母面前攞下分數，親自下廚位外家人煮飯就係一個唔錯嘅選擇啦。但各位千萬要量力而為，最重要嘅係要注意安全唔好搞到火警。但內地就有一名男子對自己嘅廚藝太有自信，搞到最後出曬事。

女婿獻廚藝恭賀新春 失手險火燒外母家

據內媒報道，早前安徽一名男子到岳父母家，本來準備大顯廚藝，沒想到煮食中途因為火勢太旺而起火，除了燒通鑊，仲要燒著抽油煙機及其風管！

從網上流傳嘅影片可見，女婿嘅鑊已經火光熊熊，除了火，見唔到佢煮緊咩菜。係咁嘅情況如果叫人來幫手就真係樣衰啦，作為女婿選擇頂硬上。手持火鑊，繼續煮菜。

火勢失控 男子淡定熄火 外家人見火勢急急腳過來滅火

但係火勢就唔俾面佢，火燒到上油煙機！抽油煙機嘅風扇同風管漸漸燒著。咁落去紛紛中連屋企都要燒通頂。

女婿看了一眼風管才心知出事，不過佢就依然要維持帥仔形象，只係淡定關掉爐頭，沒有驚慌失措地求救。但火勢持續，最後冇辦法，唯有要外家嘅人幫手滅火⋯⋯

成件事除咗嘅抽油煙機已被燒得面目全非外，相信女婿嘅形象都一落千丈、面目全非。

同場加映

又到新年，平時去親戚屋企拜年悶悶哋，都會睇吓電視解悶，每到新年電視都會播舊嘅賀歲片，當中劉德華主演嘅《嚦咕嚦咕新年財》真係睇到滾瓜爛熟，由後面背返去前面都仲得！最近有位YouTuber喺香港搵返啲取景地出嚟！今次就算我哋睇取景地回味一下！

【港產片】麻雀大俠當年住邊？新年必睇賀歲片《嚦咕嚦咕新年財》聖地景點巡禮