街頭上演《天若有情》真人GTA版 網民：好睇過3億《狂野時速》！
巴西電單車追捕片被瘋傳：「狂野騎士」
近日網上就瘋傳一條巴西警揸電單車追捕影片堪稱「狂野騎士」！影片中巴西警追趕一位後座車住女士的電單車車友，唔少網民都指睇落勁似《天若有情》劉德華揸電單車車吳倩蓮喺公路上奔馳一幕。影片長達5分幾鐘，兩人先由大街追逐，車速驚人。被追捕的電單車為咗逃避警車的追捕不斷突擊轉彎，同周邊的車輛擦身而過等，鋌而走險！
網民：好似玩緊一條命嘅GTA!
兩部電單車後來再經過唔少窄巷、馬路、大街等，網民話睇到好似玩緊GTA咁。影片仲有整埋慢鏡頭，觀眾可以感受到當中的刺激感。「兩架26都好癩」「好癲 得一條命既 GTA」「好x刺激」「「個警似係想同佢一齊飛車咁」「我玩GTA都冇佢真人揸得咁癲」「好癲 下下搵命搏」「好癲好精彩，好似有飛唔完嘅街，兩個都車手級」「拍戲都拍唔到」「長官技術都唔差」亦有網民錯重點放咗喺後座的女士身上「條女都好配合」「慢動作彈彈下」
網民對「賽果」感到不滿：咁樣自炒？！
兩車的刺激對決後，最後轉入一個窄巷中，被追捕的電單車竟然係一個轉彎位炒車倒下，令巴西警成功追捕。雖然網民都慶幸能捉到人，但對於咁的「賽果」感到不滿，認為之前咁刺激犀利，最後竟然一個轉彎先炒「仲以為最後八千轉二米車咁走甩，點知自炒」「唔係載住條女應該走甩左」有網民就分析「好明顯係專登吊住等佢失誤 cc數差太遠 點會追唔到」
一齊睇片：
真係好刺激！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
