外傭｜女僱主親挑後生勤力外傭、事後超後悔！原因竟然係…
撰文：Andy｜圖片：香港討論區、《愛回家》截圖｜編輯：海月、odin
外傭｜女僱主親挑後生勤力外傭、事後超後悔
聘用外傭好用門道，一個唔小心就令自己徒增好多煩惱。最近，有網友喺「香港討論區」發文稱，自己朋友「左揀右揀，揀咗個靚女姐姐，之後又怕老公出軌」。佢表示有個好姊妹早排就請咗一名外傭，外傭姐姐表現都幾好，做嘢有交帶幾勤力。但呢個女傭卻成為佢好姊妹嘅煩惱。
原來，呢個好姐妹挑選咗一個幾靚女嘅外傭。網友形容該女傭「後生靚女嚟，同香港人個標準去比較都唔差，身材又幾平均。」自己曾經向好姐妹提議請一個樣普普通通嘅外傭，不過佢好姐妹因為覺得個靚女外傭幾順眼就衝動請咗佢。
佢嘅好姐妹聽聞過唔少新聞話男僱主與外傭發生不尋常關係，又聽過新聞話有d女傭趁主人唔喺屋企，外傭姐姐帶男人返屋企玩，或者出去玩到有BB、有愛滋。因此，佢嘅好姐妹聘請咗呢位後生靚女外傭之後就感到後悔，宜家佢好姐妹直言「好驚老公出軌工人姐姐」，更擔心女傭喺出面「搞三搞四」。
外傭｜網民︰邊有女人會請靚姐姐
網民普遍認為屋企請個靚女外傭好危險，女僱主聘請嘅靚女外傭簡直自尋煩惱。有網民留言「自己攞嚟驚」、有人提醒應該將注意力放喺老公身上：「老公出軌係老公問題」、亦有人反問：「點解唔揀個醜樣啲？」、更有人留言建議可以喺屋企加裝個cam，能夠監視外傭嘅工作表現。
事主原文
呢件事聽返嚟都覺得煩……
話說我有個姊妹之前請咗個工人姐姐，我呢啲外人眼中望到姐姐都唔錯，做嘢有交帶幾勤力，但係係我姊妹眼中佢好似係麻煩根源。
首先工人姐姐個樣係唔錯，幾似之前網上爆紅嗰個識廣東話個姐姐，後生靚女嚟，同香港人個標準去比較都唔差，身材又幾平均，係皮膚差啲，唔會好似平時係街上面見到嘅姐姐咁偏肥。可能係因為咁，我姊妹就好驚佢老公出軌工人姐姐……就呢件事我都有問過佢，驚就請個普普通通樣啦，點解要請個靚女？佢話請個靚女自己望落都順眼啲，但係請完又要驚，都唔知想點。
有時佢見到啲新聞話工人姐姐帶男人返屋企玩，或者出去玩到有BB有愛滋，佢又會好驚個姐姐因為自己靚會出去搞三搞四……
其實呢個工人姐姐佢老公冇份揀，更加冇參與過，所有嘢都係我姊妹自己搞掂，但係請咗佢返嚟又船頭驚鬼船尾驚賊……
圖片：香港討論區、《愛回家》截圖
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
