城巴換新站牌 設計改動遭網民一致嫌棄 城巴小編現身說法咁解釋

設計之爭：新舊站牌辨識度問題

該名網民在Threads上分享2張圖片，一張是舊版城巴站牌，另一張則是新版；圖中見到新版設計的路線號碼和目的地方向都明顯比舊版小，顏色亦較舊版鮮艷。樓主直言「邊款清晰一目了然，本身啲線個number同目的地大大隻，轉咗新版之後細咗好多，塊牌嘅長度又係咁長，淨係黐過新logo係塊舊牌上面咪算囉」，又指從遠處望去，新版站牌反而沒有舊版般清晰，對於老年人或視力不佳的人而言或會造成混淆。

樓主在留言區發起投票詢問網民「大家認為邊款好睇啲呢」，結果有1,770人投票，有93%支持舊版站牌，僅7%支持新版站牌。

帖文隨後引起城巴Threads官方帳號現身說法，留言回應：

「每個人考慮嘅點唔同啦！由設計到審批，到最後出來嘅結果，肯定經過多層考慮，一個設計亦不可能滿足曬所有人。咁既然改變唔到，與其執著好定唔好，不如慢慢適應新嘅事物囉！」

網民反應與城巴回應

然而城巴的回應竟然引起大量網民留言抨擊「睇得好辛苦」、「事實係新不如舊咯」、「Design就係為咗改善同要user friendly，但而家90幾%嘅user都同你講好睇但唔實用，不如你地趁未換晒再改改佢啦」、「轉咗新版目的地太細，有等於冇」、「咁小編有冇得爭取下改下個Design，起碼俾啲乘客知道個目的地都好呀」、「首先第一件事你地公司個設計一定冇考慮過視障人士或者老人家睇唔睇得到，明明應該將最應該照顧群組擺喺top priority，我唔知你地公司個多重考慮其實係考慮緊乜嘢，係咁強調自己改唔到叫人慢慢適應新事物，擺到明意見接受態度照舊」、「新嗰個係差，叫人去適應差嘅設計非常反智」、「以前遠遠都睇到個號碼，而家行埋去先睇到」、字體大翻啲好啲，有時唔熟個站，要走過去睇睇邊個牌有邊條線」。

不過亦有部份網民支持新版站牌的設計「其實明佢個新設計係想做啲比較modern嘅感覺，佢新嘅設計確實望落去現代化好多」、「右邊張圖更加睇得出係設計過嘅，正常人點會想啲字咁細，設計師收費梗係唔可以做啲好似人人都做得到嘅嘢，所以要做啲『貴』啲嘅嘢」、「新牌幾好，係字體大細可以再改善」、「平心而論新站牌設計係靚嘅」、「新版就好似唔預俾人離遠睇，似導遊指示：去中環就呢架，去金鐘就果架⋯可能想方便唔熟香港嘅人啦」。