國泰風波丨內地網民小紅書捉空姐嚟鬧 要求解雇反對空姐！
廣告
國泰風波丨近日國泰出現一單空姐涉取笑非英語乘客的風波，講述日前一位國泰空姐取笑一位內地乘客唔識講英文，後來被公播錄音，引起熱議。事件持續發酵，引起唔少內地網民不滿，喺微博以及小紅書大鬧，搞到國泰發聲明道歉，仲解僱三名空姐！事件仲未告一段落，事關內地網民似乎唔多接受國泰的道歉，仲不斷喺小紅書搵做國泰的空姐嚟鬧，簡直係躺著也中槍，仲要要求國泰炒咗持反對意見的空姐！
國泰風波丨反對意見者一律炒魷魚處理？！
國泰風波事件持續發酵，內地網民似乎唔多接受國泰的道歉同處理手法，繼續喺小紅書等內地熱門社交平台討論事件。有內地網民於小紅書公審一位國泰空姐的ig story，內容係一位名牌寫住國泰空姐的人，用英文打出佢只會講英文同埋廣東話，因為呢個係佢的「service language」呢位空姐的言論引起內地網民極之不滿，於小紅書大鬧佢死性不改，要求解雇呢位空姐。唔少人留言表示支持，仲有人表示自己都係講廣東話但仍無獲得好的服務態度「我同佢哋講廣東話，咪一樣西我面」「想紅嗎？」「不用他們得瑟，再過幾年絕對他們貼貼服服」不過仍有網民唔支持做法「不要輕易去網暴一個人，我們講道理，就好比我們中國的航空飛的是意大利航線，我們中國空乘必須要會意大利語嗎？不會就要解雇？做事不能太亂來」「人家失去工作你就開心了嗎？」也有網民錯重點認為該國泰空姐英文文法好似唔多啱「languages」。
國泰風波丨國泰空姐都中招：好再做國泰！
一位經常喺小紅書分享空姐日常的KOL近日都因為國泰風波事件都被內地網民湧入小紅書大鬧，更勸佢唔好再做國泰，搞到該KOL都要停止更新小紅書幾日。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
圖片來源：小紅書截圖, facebook＠Cathay 國泰
