四川驚現日本奈良東大寺！官方：係唐代風格寺廟！中國網民：明明就係日本抄中國光明寺！
廣告
正所謂「天下武功出少林」，估唔到今次中國建築風格亦影響國際！日前中國大連興建嘅「日本風情街」終於開幕，不過當中四川峨眉山光明寺，喺重建後竟同日本奈良東大寺「撞樣」！而官方就表示：係唐代風格寺廟！到底一眾中國網民又點睇？即刻睇睇！
撰文：海月｜圖片來源：微博、小紅書
四川驚現日本奈良東大寺！
近兩年因為疫情關係，所以唔少國家都作出入境限制。無得出國旅行，自然就要大力加強「國內旅遊」。日前位於遼寧省大連嘅「日本風情街」終於開幕，還原日本嘅特色建築，有傳「日本風情街」花費約60億元人民幣，而且只售賣日本出產商品。
除咗大連嘅「日本風情街」，中國仲有唔少地方因為疫情關係而「打扮」成外國模樣，而近期四川省峨眉山中亦有一間寺廟成為網民熱話！原來當地一間「光明寺」，在翻新後被發現寺廟外型跟日本奈良「東大寺」十分相似。
有網民公開對比照，直言：比日本還日本哦！不過官方就回應：重建嘅光明寺，只係注重「恢復盛唐風格」！原本峨眉山「光明寺」建於唐宋年間，於2010年以6年時間重建而成。
雖然有網民指「光明寺」跟「東大寺」非常相似，不過就有網民力撐：只係因為當時唐代建築風格傳到去日本，所以東大寺亦係參照唐朝建築興建而成。面對「唐代風格論」，亦有網民反駁：光明寺曾被燒毀，所以現時嘅大佛殿同當初相比已面目全非，唔再係唐代特色建築。甚至亦有網友嘲諷：以後不出國就可以遊覽日本了！大家又覺得似唔似呢？
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
