北角疑掃黃 性感技師爬窗逃亡一躍而下 網民:咁博
廣告
今日(14日)於北角發生了一單十分之有趣的事件,喺北角一間足浴店有幾名打扮性感的女子突然不走正常路,而決定用跳窗方式走佬,網民都紛紛估計其真實身份到底係咩!
北角大暴走!疑掃黃3技師爬窗 一躍而下!
一條影片突然喺討論區及Facebook爆紅!北角健康東街有幾名衣著少布的女子突然從一間足浴店窗口位置爬出,吸引唔少途人圍觀。其中一名白衫女子更大膽地從約3米高的冷氣機頂跳落地下,點知有膽色但無度準落地時機,整個人「撻」咗落地,嚇怕途人!而其餘2人就喺食肆簷篷上不知所措,白衣女子則摸着盆骨喺地上痛苦扭動,2人疑見狀無膽量跳下,就經窗戶行去足浴店旁的窗戶。
網民猜疑身份:點解無人幫佢?
有網民就開始對該幾名女士的身份進行猜疑,有人網民認為佢哋是從事「黃業」的工作者,撞正查牌所以要嗱嗱聲爬窗走人,不過建議下次都係唔好咁博,跌親條腰可大可小!「最多哋押返」「呢位係咪雜技師嚟?」「直接落地好傷」「條腰唔駛要」又有網民指睇片都知白衣女子明顯受傷,但完全無人幫手「女人都竟然冇人理」「都幾慘,完全冇人扶下佢」「2位同伴即刻轉身走佬」
重溫早前尖沙咀疑發生同樣掃黃行動!
有一名衣著性感白色睡衣的女子突然在寶勒巷的一棟唐樓外現身,而其出現的方法並非正常人般出現,而是在並唐樓的窗口位置徘徊著。另外,佢每行一步都引起圍觀市民的驚呼,事關她不斷地想跳窗並向地面進發。最後呢位女士因身手了得加上途人幫忙而成功完美落地
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!
圖片來源:Tg群組影片截圖,Facebook@無無聊聊截圖