免費派雪糕補貨暫停 男女不滿圍鬧職員瘋傳 被指影衰香港人 職員做法獲讚
Dreyer’s免費派雪糕 因補貨暫停惹怒趕返工男女
事緣雪糕品牌Dreyer’s於7月8日在啟德零售館（KAI TAK MALL）舉行免費派全新口味雪糕活動，應援鄭秀文在啟德體育園舉行的演唱會。
一名網民在社交平台上載一段影片，並發文表示「啲職員真係慘…派雪糕暫停一陣fill貨都要俾人鬧」。影片中，由於活動反應熱烈，現場雪糕數量不足，職員需要暫停派發約1小時等候補貨。三位負責派發雪糕的職員向在場人士解釋「1點半至2點半期間暫停，2點半恢復派發直至6時結束」，然而數名男女對此極度不滿，圍住職員怒氣沖沖地問責，有人強調自己「要返工」故沒時間等候，當職員詢問「你哋係咪唔得閒？」時，眾人更齊聲大喝「梗係唔得閒啦！」場面一度十分緊張。
深水埗麥當勞母女大戰特賣城職員 SEN女兒嚎哭護母 結局惹網民熱議
派雪糕職員冷靜提出折衷方案仍遭質問
面對群情洶湧，2名女職員保持耐心解釋：「我們是根據今日，人太多的時候要停一停」、「呢個係我哋因應現場情況」。其後女職員更主動提出折衷方案，建議他們先完成領取雪糕所需的程序——在Instagram發佈限時動態（IG Story），承諾補貨後會優先派發給他們，「咁我就畀咗（雪糕）你先好唔好？」。
然而影片中看到在場1名女子仍然不收貨，連番反問：「我都未攞雪糕，POST咩STORY啫？POST咩STORY啊？POST咩STORY先？」影片在爭執聲中結束，長約52秒的片段隨即在社交平台Threads上廣泛流傳。
網民一面倒批評：唔知以為俾咗錢
影片曝光後，大批網民留言表達不滿，幾乎一面倒批評相關男女的態度，有人直斥「貪小便宜仲喺度嘈嘈嘈，話唔等得，一陣唔得閒，咁你咪唔好攞，畀錢自己買囉」、「冇畀錢都咁惡大晒嘅款」、「派係免費，唔係欠咗你，未有就走咯，何必發難呢」、「做過服務業就知，成堆人攞免費野仲好似欠左佢咁，R唔到就發癲」，有人更以為是付了錢卻無貨的爭執場面，「唔得閒咪唔好拎!唔知以為俾咗錢」。
此外，更有人感嘆事件「影衰香港人」，認為在這個夏日炎炎免費派發雪糕活動本屬品牌好意，不應因此留難前線員工。
深水埗特賣城發聲明三度致歉 麥當勞母女家人現身爆真相 決定和解原因
職員EQ高獲讚 領雪糕市民目擊現場雪糕櫃大細
同時亦有大量網民讚揚職員的專業態度，認為在如此群眾壓力下仍能保持冷靜實屬難得。「職員EQ好」、「辛苦幾位職員，對住啲咁嘅客都仲幾好態度」，更有在現場免費領取雪糕的市民留言讚賞「其實呢幾個個員工都好好人，我親身去攞雪糕，我眼見佢哋都好幫啲公公婆婆點樣幫佢哋可以like ig fb等佢哋有雪糕囉，眼見現場得個雪糕櫃仔唔係一個大凍貨櫃，真係唔好咁核突喺度鬧人哋啲員工啦，係文明社會人哋都解釋要補返啲貨」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨，信不信由你！不少朋友都喜歡想當年，香港懷舊小食及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！