傳銷騙徒新手法? 呃完五千蚊仲要幫佢交埋稅!

熱話

廣告

傳銷騙案年年有,但依然有不少人因各種理由而上當,幸好大多都能在開始時抽身止蝕。不過最近在連登上出現一個新個案,騙徒竟然在事後發信予事主要求對方承擔所產生的稅務問題,並指稅局每年都會逼佢交相關稅款,騙徒並指將會對事主採取行動。

撰文:Mike丨資料/圖片來源:連登討論區

騙徒出信威嚇事主

事緣一位網民幾天前於連登討論區發文,表示自己一個月前誤墮傳銷騙案,其後雖然將所有傳銷相關人仕斷絕聯絡,但後來卻陸續收到名為Rose的傳銷騙徒寄來親筆信,並表示「要求我返去佢哋公司簽唔知乜嘢文件 話係要幫我搞返一個退出嘅申請,然後佢話我如果唔去簽翻嘅話要付法律責任,又係話以後稅局會追我交稅。」

其後亦表示「我心諗$5,000都俾你呃左,點解要付法律責任同埋點解要交稅?仲有明明我係受害者但係佢話佢要報警拉我,好X恐怖依家啲人真係」。

其後事主將騙徒所傳之Whatsapp對話公開,並看到對方向事主表示「等收律師信」、「入面嘅資產都係層於我嘅」、「你報警都係拉你自己」,最後更指「如果你唔合作咁就唯有會有進一步行動」。而事主亦問網民「為咗呢單野我已經唔夠錢交學費,佢究竟仲想點啊,係咪因為我斷咗佢米路」

 

到最後事主亦將騙徒全貌公開。表示「張相係我哋喺台灣交流團一齊玩嘅時候影㗎,估唔到張相最尾嘅用途會係咁」,到最後被問及事主及編徒如何相識之時,事主則表示「我同騙子係一個交流團認識 然後連埋佢仲有其他四個女仔 我哋去交流團入邊自成一角 幾好朋友五日都玩埋一齊 我知道已經有另外一個女仔俾佢呃左而且成功洗腦 然後呢個X街想搵另外兩個女仔落手。」

「但係我喺騙子快一步提醒佢哋 都真係幾搞笑 如果我哋五個都仲晒招 真係好X搞笑 騙子以為大家都好好騙 因為第一個女仔俾佢成功騙左,仲有第二個我,佢騙開有條路食埋另外果兩個女仔⋯真係X佢老味 其實我都知道佢地址。係咪可以寫返封信比佢屋企人 同佢哋屋企人講番佢哋個女有幾咁X街」

 

「咁我知道自己中招嘅時候我就已經好驚, 我直頭係嗰陣時唔夠錢交學費, 好想即刻問騙子追番所有嘅錢但係冇可能,所以我喊到七彩咁樣同嗰個騙子喺度傾,我求佢借錢俾我交學費, 之後最尾我成功追番$4000」

網民:呃左你5,000連printer都唔買部!

當然將事情放上連登高登的話,就要有一堆奇怪離題的回覆出現。當然有人善意提點事主假如該合約是跟法律相違,那該合約就會自動作廢、又或者勸事主無需理會,應立即報警等常見回覆;不這裡卻有更多網民將重點置於兩封以騙徒Rose親筆撰寫的信件…

有網民稱:「 擺明兩個都係騙徒,一個呃人$5000攞唔番心軟比人呃番$4000,一個比人呃完$5000 戲子有網發作死喊攞番$4000,公司賺$1000睇大家做戲」

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!