【九巴抽水】潮玩《天竺鼠車車》PUI PUI 抱怨乘客唔戴口罩！ 網民大讚：靚抽！
撰文：Andy｜圖片：KMB九巴、Facebook截圖｜編輯：海月
【九巴抽水】潮玩《天竺鼠車車》PUI PUI 抱怨乘客唔戴口罩！ 網民大讚：靚抽！
KMB九巴專頁早前出帖，以「KMB 車車日常」為題，創作出近來超人氣天竺鼠車車的「PUI PUI PUI」對白。九巴更作出「翻譯」：「今日又有乘客唔戴口罩，仲要噴咗啲鼻涕落車車到，好核凸呀！」、「同是天竺淪落車…咦！夠鐘開車喇！希望今程啲乘客乖乖哋啦！」，暗諷早前有乘客不肯戴好口罩，更大罵勸告車長「醜樣」事件。
而九巴在之前亦在 Facebook 上載一張插畫，並配上「醜樣的定義」文字。其意係回應近日一對情侶乘坐巴士時，因不肯戴好口罩與車長發生爭執一事。事緣本月4日，一對情侶乘搭昂坪前往東涌的巴士期間，車長見一對情侶無戴好口罩，故上前勸喻。怎料兩人非但不領情，更反鬧車長多事。女子惡罵：「你尊重下你自己個腦先啦！你知唔知你自己講緊啲咩嘢呀？你著好件衫好冇呀？你可唔可以唔好咁醜樣呀？可唔可以唔好出街呀！」男方配合女方攻勢，舉起中指，做出不文手勢。車長多次勸喻後，兩人堅持不從，最終無奈報警。警方經調查後，隔天以涉嫌誤導警務人員及違反「口罩令」將兩人拘捕。
九巴出貼文嘲諷唔戴罩情侶
九巴上載一幅名為「醜樣的定義」的插畫，主角正是那對拒絕戴好口罩的情侶。九巴又以吉祥物「九巴仔」身分在帖文下留言，說：「九巴仔自問同『醜樣』兩個字絕緣，但前排新聞就有一位乘客對車長講：『你可唔可以唔好咁醜樣呀！？』，九巴仔當堂嚇咗一跳，呢位乘客簡直顛覆咗九巴仔對文字嘅認識，重新將醜樣定義啊！」九巴又在帖文上加上多個主題標籤，呼籲乘客戴好口罩。
網民大讚九巴幽默靚抽
不少網民見到後都留言大讚九巴幽默，又留言笑說：「抽得靚」、「like 到你爆呀！」、「九巴抽得靚呀」、「笑到肚痛」、「平時唔多覺九巴仔咁幽默嘅」、「幫車長出返啖氣」、「九巴好波，乘客安全永排遠第一！」、「個鼻哥窿超神似，神級畫作」、「九巴今次堅勁，有聲」、「印埋車身廣告就正」現時帖文已獲 1.6 萬讚好。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
