【JK水手服】中國興起日本水手服熱潮！網民：說好的反日呢？

撰文：神仙b｜圖片：NHK 《早安日本》節目截圖｜編輯：海月

【JK水手服】中國興起日本水手服熱潮！網民：說好的反日呢？

據日本NHK新聞節目《NHK NEWS おはよう日本》報道，中國內地近年吹起一股「日本女高中生制服」熱潮，內地民眾大讚日系制服睇上去可愛又青春。果然，口裡說不，身體缺很誠實。

NHK新聞報道指，中國內地女生興起以模仿日本女高中生制服。格仔百褶裙、西裝外套和胸口蝴蝶結等，全部跟足來著。報導更指不單只高中生，大學生和年輕女性都十分中意。

需求旺盛 帶旺中國JK服裝生產鏈

劉德華都講過：「生意是講供求嘅，他們買，我們賣。」NHK記者訪問咗一間位於廣東嘅校服工廠，負責人姜女士話透露7年前已經製作JK制服，最便宜一套唔洗500港幣有交易。

佢更透露，去年仍然有不俗收益；收到的訂單比起剛剛創業時多了足足100倍。最近更取得日本海外授權推出聯名款式，姜女士強調自己睇好日本JK制服熱潮會長做長有。

除了廣東生產商食到條水之外，中國四川成都也不遑多讓。成都就經常舉辦JK制服時裝周和相關的時裝表演。一位日系制服愛好者就向記者透露，自己一睇完表演會想買多幾套，可見時裝表演有幾精彩！

由興趣到發達「我開舖唔為錢為興趣」

隨著呢波熱潮興起，內地JK制服服飾專門店一開幕就會引起排隊搶購熱潮。其中一位日系制服專賣店的老闆張鈴受訪時話，佢本身係JK制服愛好者，家中儲有逾50件JK制服。佢坦承一開始開店純粹為興趣；點知銷情太好，連倉庫都清空，讓她始料未及。

港網民嘲諷 「國仇家恨都忘了！？」

在以習近平為核心嘅黨中央高舉反日旗幟之下；內地小粉紅雖然表面上聽黨話、跟黨走，高舉反日旗幟。但暗地裡都無法拒絕日本JK制服魅力。

香港網民睇完單新聞後紛紛留言，有人指呢個情況明顯係外國勢力滲透，建議出動解放軍解放日本。也有人留言指：「仇日是工作，哈日是生活」、「什麼家仇國恨忘記得一乾二淨」。