世界盃2022丨連登仔要分真、偽球迷 嬲爆「一日球迷」!

熱話

廣告

2022年世界盃成為不少人熱討的話題,昨日(18日)正式完美落幕,最終阿根廷於12碼以4:2勝出,獲得世界盃2022的冠軍。冠軍賽吸引唔少人都齊齊睇世界盃,一齊熱烈狂歡。不過開心的同時,有球迷就喺討論區出post鬧「一日球迷」,斥唔係真球迷!

球迷
(圖片來源:ig@fifaworldcup)

怒插「一日球迷」2大點

阿根廷贏波有人開心有人愁,但原來除咗愁輸波之外,都愁「真球迷」同「一日球迷」?!有網民就係連登討論區開post鬧「有無人覺得啲一日球迷好x onx?」怒指2大點,第一,淨係識盲撐跟風,其實完全唔識睇波,見到阿根廷美斯贏波人喊就跟住喊,扮晒本身撐美斯咁。第二,變咗港女純為咗出post呃like,成隊波除咗美斯之外其他球員全部唔識,但真係講到自己好愛阿根廷。似乎區分緊邊啲係「真球迷」同「偽球迷」。

球迷 昨晚唔少香港人都有睇波,美斯贏波時都有ig 出post祝賀示意圖,非當事)
昨晚唔少香港人都有睇波,美斯贏波時都有ig 出post祝賀(示意圖,非當事)(圖片來源:ig@kaman_kong)
球迷 示意圖非當事人
示意圖非當事人(圖片來源:viutv直播截圖)
球迷 示意圖非當事人
示意圖非當事人(圖片來源:viutv直播截圖)

網民唔撐:話明係世界盃 就係俾全世界一齊睇

不過唔少網民都唔支持其說法,認為話明係世界盃,係俾全世界一齊睇,質疑「一定要之前睇開波先慶祝得?」「睇波都要論資歷?」「連睇波都變咗要講資格」「最x onx就係樓主呢種人 4年一次一齊開心睇都有問題?」「睇奧運夠唔係種種運動都熟哂啦」「足球就係普及性高先有佢吸引力,咁x孤高同籃波有咩分別」「阿根廷啲二線球員唔識好正常」「開心下都唔得,好惡」「請尊重我地四年一度球迷」仲有網民認為出post者係支持法國,輸咗波先喺度鬧人「平時睇開波嘅毒x,得呢幾日有得講嘢扮專家,衆人皆醉咁支持法國,點知俾美斯大大把刮落去,自信心冇晒」不過都有網民認同「屆屆世界盃歐國盃都有班人講忽然球迷呢個字眼」「係,尤其係啲死港女」仲有網民分析最onx應該係呢一類「其實唔識仲要買波嗰啲先係最onx」

球迷
(圖片來源:ig@fifaworldcup)

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

圖片來源:viutv直播截圖、ig@kaman_kong、ig@fifaworldcup