因讀下午校而被男友母親嫌棄!強硬要求兩人分手:下午校嘅人蠢啲
撰文:Andy|圖片: 截圖|編輯:海月
因讀下午校而被男友母親嫌棄
半日制學校已經買少見少,小編生活喺全日制光譜之下,講真並唔清楚原來半日制都有鄙視鏈。早前有位網民喺香討出post向網民抱怨稱,男友媽媽因為佢讀下午校而嫌棄佢,並且私底下要求男友同佢分手。呢網友好貼心,知道宜家絕大部分嘅學校都係全日制,大家已經唔清楚上、下午校嘅區別,佢特登補充番少少資料:
我諗家下個個小學都全日制,應該冇乜人知乜係上午下午校
嗰時傳聞,上午校係叻人讀,下午校係蠢人讀,仲有就係通常上午校返完學就去補習班,而下午校好少會朝早去補習班
背景交代完之後,網友就開始講返自己男友老母係點樣嫌棄自己。佢憶述翻當日佢男友屋企同佢老母一齊吃飯嘅過程:
早幾日去男朋友屋企食飯,傾起細個啲嘢,因為我哋都住得好近,咪傾下以前讀邊間中小學咁
我一話我讀XXX小學,我見男朋友媽媽都幾好面色,因為嗰邊都係區內名校
但係傾傾下發現有啲唔對路,佢就問我讀上午定下午校…
我咪答佢因為屋企人唔得閒照顧我,所以小二轉咗去下午校……
之後佢就黑晒面,我都唔知乜事
今日男朋友同我講返,話佢阿媽對我印象唔太好,原因竟然係話我讀下午校蠢啲,叫我男朋友飛咗我……
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!