【Gadget專男】「筆」如智能
text-Gadget專男 photo-網上圖片 (來源: Equil、INDIEGOGO)
筆記都可以數碼化
呢本 Rocketbook 筆記簿似乎係大家嘅救星!外貌雖然好普通,但jot notes後只要將筆記簿嘅頁面拍低,就可以將資料快速數碼化,減少掃描時間之餘,喺頁面下亦有代表不同分類嘅附號,只要將附號塗黑,資料就可以快速傳入雲端並自行分類傳送到Dropbox及Google等儲存平台。咁鍾意用手寫notes嘅大家就唔驚又要用電腦打來打去啦!
可以「叮」嘅筆記?
最有趣嘅係只要配合上1支特製嘅 Pilot FriXion筆書寫,當成本筆記簿都寫滿嘅時候,只需要將本筆記簿放入微波爐叮30秒,筆記上嘅字就會神奇地消失。嘩!我連個杯麵都未煮熟,本筆記就變到新嘅一樣喇,重夠晒環保添。
想知更多筆記嘅資料,可以瀏覽indiegogo網頁https://goo.gl/GX0hLk。
即寫即同步智能筆
覺得要拎起部電話逐頁逐頁影都太慢?再快啲嘅都重有! 以下呢支Equil智能筆就更高科技。你即時寫咩,佢即時幫你send去電腦,只需要將收發裝置固定喺筆記附近適當嘅位置,然後喺紙上書寫嘅任何內容就會自動轉化成數碼格式,資料就會快速Send去智能手機及平板電腦上。
最方便嘅係Equil筆寫嘅內容重可以同其他平板或電腦進行即時同步。跨國開會又得,同女朋友畫畫傳情亦得﹗呢支筆暫時喺Amazon賣緊199美元,約1,550港幣。對於咩都講求快嘅香港人黎講,呢支筆絕對啱用吖!
想知更多智能筆嘅資料,可以瀏覽Equil網頁http://goo.gl/tmzzmP。
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!
[…] >【Gadget專男】「筆」如智能 […]