【#新蚊滅鬼隊】今次，《鬼滅之刃》終於出Game喇！

【#新蚊滅鬼隊】今次，《鬼滅之刃》終於出Game喇！ 超人氣動漫作品《鬼滅之刃》，日前終於宣布推出遊戲，仲一次出兩隻！ 分別係手遊《鬼滅之刃 血風劍戟Royal》，遊戲類型為非對稱對戰型生存動作類，提起生存都覺得係「食雞」。不過因為非對稱對戰型，所以應該會較似《黎明殺機》、《第五人格》、《Evolve》及《RESIDENT EVIL RESISTANCE》嘅1 vs 4玩法。遊戲預定2020年內推出，玩家將喺原著世界嘅地圖上分為「鬼殺隊」和「鬼」兩個陣營進行對戰。 另一隻就係PS4上推出嘅《鬼滅之刃 火之神血風譚》，類型為對戰動作遊戲，預計喺2021年推出。故事將以動畫版「竈門炭治郎 立志篇」為基礎，玩家將扮演「竈門炭治郎」，重現喺家人遭受惡鬼殺害後，踏上拯救妹妹以及加入討鬼組織「鬼殺隊」嘅旅程。 你又鐘意邊隻多啲？梗係Why Not Both！
快啲講俾個鐘意《鬼滅之刃》嘅朋友知喇！ #新Monday #鬼滅之刃 #買了球鞋再買玩具 #手遊 #PS4
#NM_海月