12星座︳農曆七月 5個星座最易撞鬼 一文教你點避點拆解!

星座命理

廣告

又到農曆七月鬼節,「鬼門開」的日子,雖然最猛的7月14已過,但係7月份都係要多注意,傳統民間有許多禁忌需遵守,以免厄運纏身!命理專家小孟老師近日於facebook分享,鬼月時撞鬼指數最高的5星座!一文睇吓有無你份,記得要多加留意,有空也可以到廟裡拜拜保平安!

第五名|雙魚座

雙魚座出名第六感特別勁,所以感應能力都會比一般人強,而且又鍾意周圍走,湊熱鬧,大大提高農曆7月撞鬼機率!而且雙魚座本來對事情就特別敏感,周圍稍有風吹草動都會注意到,容易自己嚇自己。所以小孟老師就建議雙魚座都係唔好成日周圍走,如果真係遇到靈異事件,返到屋企可以用粗鹽洗身,有淨化效果。而台灣星座專家唐綺陽都有分享雙魚座下半年的工作運都較差,一堆堆工作衝過嚟,擋都擋唔住,會出現過勞的情況,所以雙魚座的朋友真係小心唔好再奶嘢啦!

鬼節 Angelababy 2月28日生日,雙魚座
Angelababy 2月28日生日,雙魚座(圖片來源:ig@angelababyct)

第四名|摩羯座

摩羯座天生靈性強,電波比較容易接通農曆7月的「好兄弟」,所以老師就建議摩羯座半夜三更就唔好亂咁走,盡量去啲多人的地方,唔好去人煙稀少的地方。而且因為摩羯座係工作奴的關係,而下半年的工作運都比較差,搞到唔夠訓,就更容易中招!老師建議得閒就多做運動,調整好作息,身體的磁場會變好!

鬼節 韓國男團bts的成員v,生日12月30日,摩羯座
韓國男團bts的成員v,生日12月30日,摩羯座(圖片來源:ig@bts.bighitofficial)

第三名|射手座

射手座本來就係一個嚮往自由,鍾意冒險的星座,而且性格大大列列,唔在乎鬼節的禁忌,搞到好容易唔小心就奶咗嘢都唔知!老師就建議射手座外出時,可買艾草淨化磁場,如果有機會住酒店等地方,千萬唔好揀太平,要揀啲評價比較好,如果唔係好容易就會招惹到「好兄弟」!

鬼節 MC張天賦 反對無效 MV。
反對無效 MV。(圖片來源:youtube@MC Cheung 張天賦)

第二名|水瓶座

水瓶座同射手座都係喜歡自由的星座,而且仲係一個好奇寶寶,鬼節呢啲比較超自然的節日其實更為吸引水瓶座,所以水瓶座好容易因為貪得意,而做出一啲「得罪兄弟」的事情!老師就建議水瓶座就要收斂一下,而且對鬼節呢種節日要持一顆敬畏的心!

鬼節 楊千嬅去年4月舉家移居上海,主力留在內地發展。
楊千嬅生日:2月3日。清明節上內地節目的仙女look,簡直「千嬅上河圖)(圖片來源:weibo@央視新聞)

第一名|天蠍座

天蠍座簡直係暗黑界的代表,本來個人感應力強,而且個性神神化化,成日會疑神疑鬼,磁場都係特別容易同好兄弟接通。所以老師就建議深夜時就唔好出街,危險的場所、溪邊或山林都盡量避免,得閒真係要去拜吓廟,求平安。

鬼節 Leonardo DiCaprio,11月11日
Leonardo DiCaprio,11月11日(圖片來源:《復仇勇者》電影截圖)

圖片來源:youtube@MC Cheung 張天賦、ig@bts.bighitofficial、ig@angelababyct、《復仇勇者》電影截圖、weibo@央視新聞、