港女住金鐘高級酒店4401號房疑瀨嘢 半夜嚟料用一招請走「朋友仔」

港女住金鐘高級酒店4401號房疑瀨嘢 「鬼壓床」用呢一招先請得走「朋友仔」！

入住唔吉利房間「4401」

一名港女於「巴打絲打11鬼故台」投稿，指自己由細到大的體質都比較敏感。有一次事主與男友入住金鐘某日式設計的高級酒店（相信大家都知邊間）Staycation，入住的房號為「4401」。事主直言：「一睇到就覺得兩個4有啲避忌，入到房望山景，感覺已經有小小唔舒服。」。

「詭異老男人聲音」

而入住當晚事主都立即發惡夢，夢見自己在酒店房內情緒激動，然後就驚醒了。之後事主開始懷疑是否房內「不乾淨」，輾轉反側之下突然聽到身邊木櫃傳出一把老男人聲音，並講出三個聽不明的音節。

浴缸突然有水？

之後事主突然聽到廁所浴缸有水聲，然後就問枕邊人男友是否漏水，之後事主發現原來是夢境。半迷糊間事主發現無法記話及張開眼睛，最後用上帝名義才將「朋友仔」請走。

事主第二日起身向男友問道昨日發生之事，不過對方都指沒有印象，之後事主都指食完早餐就立即走人。事主斥酒店沒有將其清理「乾淨」，又指將44樓設計出來一個錯誤選擇。對於以往都有住過「不乾淨」的酒店，但這間酒店給人的感覺更令人不舒服。