youtuber

網民籲罷睇移民Youtuber:賺香港人錢嘆 唔好咁蠢!

網絡熱話

廣告

近年,香港移民潮愈演愈盛,網上亦有唔少港人移民各地嘅資訊供參考。當中一班現時已移居海外嘅本士YouTuber,移民後透過分享當地嘅生活點滴、遭遇、困難,加上不時回覆觀眾問題等,依然大受歡迎,有唔少觀看次數。但近日,就有網民喺論區上提出「建議大家唔好再聽啲移左民嘅 YouTuber」話題,指呢啲移民Youtuber賺香港人錢係當地風流快活,「根本呢班人走咗,但就都係靠賺香港人錢」。話題一出,就引起唔少網民討論。

youtuber
(圖片來源:電視劇《愛·回家之開心速遞》劇照)
youtuber
(圖片來源:電視劇《金宵大廈》劇照)

網民指:移咗民但賺香港人錢去外地享受

討論區上有網民發文:「建議大家唔好再聽啲移左民既YouTuber」,樓主指這呢班移民外地嘅YouTuber ,移民英國、日本、加拿大後靠香港人嘅錢維生。「得閒笑吓你地班留港X,仲可以用你地嘅view數幫佢哋喺外地享受錢玩住」,直斥呢班移民YouTuber沒有方法係他鄉生存,要靠香港人才有收入,而佢地賺咗香港人錢但就喺當地消費。稱移民YouTuber表面上同大家分享資訊,幫助大家了解移民前後嘅事項。實質譁眾取寵,吸引點擊率,透過香港人支持而賺取香港人錢供佢地喺當地享受,嘲移民Youtuber「吸香港人血去旅行」,更指係「大家不願接受嘅事實」。有不少網民同都同意樓主說法,紛紛留言「咪咁蠢畀人利用」、「無本事賺外國人錢,米呃返香港人錢」。

youtuber 網民網上發文呼籲大家唔好再睇啲移左民既YouTuber。
網民網上發文呼籲大家唔好再睇啲移左民既YouTuber。(圖片來源:LIHKG討論區)

網民點名YouTuber 大J及Bob叔

發文中唔少移居外地嘅Youtuber亦成為討論對象,當中移居日本的大J及移民英國嘅Bob叔就被多次點名。Youtuber大J同老婆現時定居日本,不時會拍攝喺日本生活嘅點滴,例如日本外遊、日本夾公仔、日本美食等,條片都有過十萬 views。如跟據追蹤人數與觀看次數來計算,大J每月收入約2 萬左右,加上不同的品牌合作、廣告創作等等,相信收入亦相當可觀。

youtuber 大J與妻子於 2021 年 12 月 29 日定居日本
大J與妻子於 2021 年 12 月 29 日定居日本(圖片來源:[email protected]截圖)
youtuber 大J嘅YouTube片主要圍繞喺日本生活點滴。
大J嘅YouTube片主要圍繞喺日本生活點滴。(圖片來源:[email protected]截圖)

而移居英國嘅YouTuber Bob叔就經營住拥有68.4萬訂閱嘅YouTube頻道:「煮家男人」。Bob叔不時會分享一啲英國資訊、各地飲食、文化不同、旅遊等資訊。Bob叔平均每條影片都有超過20萬點擊,可見非常受歡迎。可謂係大部份港人準備移民英國嘅必看指南之一。

youtuber Bob叔Youtube頻道坐擁超過68萬訂閱。
Bob叔Youtube頻道坐擁超過68萬訂閱。(圖片來源:[email protected]煮家男人 Bob’s Your Uncle )
youtuber Bob叔平均每條影片都有超過20萬點擊。
Bob叔平均每條影片都有超過20萬點擊。(圖片來源:[email protected]煮家男人 Bob’s Your Uncle )

網民唔認同:Youtube收入其實好低

而有部分網民就表示唔認同樓主說法,表示其實Youtube片嘅收入好低,未必如樓主所講嘅賺香港人錢供佢地享用,「佢應該唔知view數根本得一百幾十」、「你有冇出過一蚊係youtube先?」、「你係米搞錯咗以為YouTube好易搵錢?」亦有網民認為觀眾有自由選擇權利,喜歡或者覺得有用觀看亦無防,「人唔好咁懶自己research移民咪唔使俾人水囉」、「人地可能真心中意睇呢?你理得人姐」、「啱睇咪睇囉」、「有啲都幾實用」、「百貨應百客啦」、「鍾意睇咪睇,覺得有趣同有用咪聽」。

youtuber
(圖片來源:LIHKG討論區)

圖片來源:LIHKG討論區、電視劇《金宵大廈》劇照、電視劇《愛·回家之開心速遞》劇照、[email protected]煮家男人 Bob’s Your Uncle截圖、[email protected]截圖

YOU MAY ALSO LIKE ...