anson lo

Anson Lo演唱會被屈冷血?網民舉例證明「神隊友」同「暖男」形象從未崩壞

網絡熱話

廣告

Mirror演唱會發生嚴重事故,事故中重傷嘅dancer 阿Mo(李啟言)至今仍繼續留醫情況危殆。事件發生後,網上一邊廂有海量網民齊齊為阿Mo加油打氣,另一邊廂亦有大批網民指責MIRROR成員 Anson Lo(盧瀚霆)出事後仍繼續表演,行為冷血無情。但亦有不少網民為其抱不平,並列舉數例證明Anson Lo非常關心同保護隊友及一班dancer,人前係「神隊友」,人後亦係一名「大暖男」。

anson lo 網民指責MIRROR成員 Anson Lo盧瀚霆)出事後仍繼續表演,行為冷血無情。
網民指責MIRROR成員 Anson Lo(盧瀚霆)出事後仍繼續表演,行為冷血無情。(圖片來源:[email protected]
anson lo 網民列舉數例證明Anson Lo人前係「神隊友」,人後亦係一名「大暖男」。(圖片來源 : IG@ansonlht)
網民列舉數例證明Anson Lo人前係「神隊友」,人後亦係一名「大暖男」。(圖片來源 : [email protected]
anson lo 大批網民批評 Anson Lo 出事後仍繼續表演。
大批網民批評 Anson Lo 出事後仍繼續表演。(圖片來源:[email protected]

Anson Lo 出事後仍表演 業內人發聲:正常反應!

意外發生時Anson Lo(盧瀚霆)及Edan(呂爵安)同係台上演唱,而屏幕墜下當刻Anson Lo係背向意外發生位置,面向觀眾演唱中。而當意外發生後,現場音樂馬上停頓,但不少係網上流傳嘅事發片段中影到當時Anson Lo仍繼續唱完一句歌詞。事後隨即有不少網民指責 Anson Lo目睹意外發生仍繼續唱係「扮晒pro」、「冷血」。不過有部份演唱會業內人士發文解畫,指演唱歌手係演唱期間需佩戴耳機,除咗方便歌手聽音樂之外,亦隨時有工作人員會係耳機內「嗌咪」,因此推測Anson Lo當時根本無法即時聽到意外發生的聲音。而此說法傳出後,亦有網民舉出5大例子證明Anson Lo並非冷血,而係「大暖男」一名,希望幫Anson Lo平反。

anson lo 有演唱會業內人士解畫,指演唱歌手係演唱期間需佩戴耳機,除咗方便歌手聽音樂之外,亦隨時有工作人員會係耳機內「嗌咪」,因此推測Anson Lo當時根本無法即時聽到意外發生的聲音。
有演唱會業內人士解畫,指演唱歌手係演唱期間需佩戴耳機,除咗方便歌手聽音樂之外,亦隨時有工作人員會係耳機內「嗌咪」,因此推測Anson Lo當時根本無法即時聽到意外發生的聲音。(圖片來源:[email protected]

網民平反1:捉住Jer 提佢唔好太活躍

喺第一場演唱會中,舞台中央設有一條升降橋,而MIRROR 12位成員亦企係升降橋上表演,但條升降橋又長又窄小,距離地面亦有一定高度,加上出現搖晃現象,一度令Fans十分擔心。當時Anson Lo同Jer(柳應廷)有一定距離,但因為見到Jer表現活躍,不時跳來跳去,Anson Lo 特意走到Jer身邊捉住佢,並提佢注意安全。

anson lo Jer於昇降橋上表現活躍,Anson Lo 特意走到佢身邊捉住佢,並提佢注意安全。
Jer於升降橋上表現活躍,Anson Lo 特意走到佢身邊捉住佢,並提佢注意安全。(圖片來源:[email protected]

網民平反2:Frankie唔小心跣到 「神隊友」幫手托住

而第二場演唱會亦出現意外,MIRROR 成員Frankie(陳瑞輝) 係台上獨白時,疑似叉錯腳,係升降台上跌下,雖然Frankie後來表示並無大礙,但亦嚇到fans心有餘悸。而原來當時Frankie 差少少直接跌落升降台下嘅洞口,後果可能十分嚴重,幸好有片段影到咁啱洞口內有人,所以Frankie跌下時有人托住,免於更嚴重後果。而網民透過托住Frankie 嘅人嘅打扮分析出當時企係洞口並伸出「神援手」嘅正係Anson Lo。

anson lo 網民透過托住Frankie 嘅人嘅打扮分析出當時企係洞口並伸出「神援手」嘅正係Anson Lo。
網民透過托住Frankie 嘅人嘅打扮分析出當時企係洞口並伸出「神援手」嘅正係Anson Lo。(圖片來源:LIHKG討論區)

網民平反3:Jer跣腳 Anson Lo馬上護住

Jer係演唱會上表現非常活躍,不時手舞足蹈,跑來跑去無時停。更曾發生一次小意外,當時Jer唔小心跣咗一吓,差啲收制不及跌倒,旁邊嘅Anson Lo見到即時伸出援手,所幸Jer最後企得穩無事,但就嚇親Anson Lo。Jer無事後繼續開心走開,Anson Lo就望住佢背影表情擔心。

anson lo Anson Lo見到Jer唔小心跣左一下,即時伸出援手。
Anson Lo見到Jer唔小心跣左一下,即時伸出援手。(圖片來源:LIHKG討論區)
anson lo Jer企穩無事後繼續開心走開,Anson Lo仍然維持虛扶狀態。
Jer企穩無事後繼續開心走開,Anson Lo仍然維持虛扶狀態。(圖片來源:LIHKG討論區)

網民平反4:提醒Edan小心

演唱會上有安排到「翻炒」Anson Lo同Edan呢對「牧田CP」環節,而當2人表演完畢時,Anson Lo同Edan需要企係一個三角形嘅升降台位置下降,期間十分注重隊友安全嘅Anson Lo特意提醒Edan要小心,因為該三角形升降台面積不大,十分窄小,一唔小心動作大啲都好易撞到或整親。

anson lo Anson Lo十分注重隊友安全,特意提醒Edan要小心昇降台。
Anson Lo十分注重隊友安全,特意提醒Edan要小心升降台。(圖片來源:[email protected]

網民平反5:同阿Mo識於微時 感情深厚

今次演唱會意外重傷嘅dancer 阿Mo同Anson Lo早係2013年參加大學嘅O CAMP時已經認識,由於2人同樣熱愛跳舞,所以很快就成為好友。佢地仲一齊參加第一季《全民造星》,其後Anson Lo以MIRROR成員身份出道後,佢大部份MV(除《神隊友》、《不可愛教主》)或者舞台表演都一定會有阿Mo嘅身影。而阿mo亦曾在IG分享對Anson Lo嘅感覺,對Anson Lo有讚無彈!所以相信Anson Lo比其他人更唔願意見到阿Mo出事。而目睹好友出事,Anson Lo亦一度傳出身體不適並被指嚇到呆咗。

anson lo 阿Mo同Anson Lo早係2013時已經認識,相識快將10年。
阿Mo同Anson Lo早係2013時已經認識,相識快將10年。(圖片來源:[email protected]

網民痛心留言:教主好無辜

對於今次Anson Lo受到嘅指責同批評,好多網民認為係對Anson Lo 唔公平。因為根據Anson Lo 往日嘅「暖男」表現,係演唱會上對隊友嘅愛護,甚至對待dancer們亦因怕大家危險而一再換走高危動作,再加上業內人士發聲指歌手係配帶耳機下,對當時情況聽不到係正常現象,種種因素足以證明Anson Lo並非「冷血人士」。唔少網民亦留言表示為Anson Lo感到不值。

anson lo 網民亦留言表示為Anson Lo感到不值。
網民亦留言表示為Anson Lo感到不值。(圖片來源:LIHKG討論區)
anson lo 不少網民留言表示撐Anson Lo。
不少網民留言表示撐Anson Lo。(圖片來源:LIHKG討論區)
anson lo 有網民認為應該追究幕後工程責任。
有網民認為應該追究幕後工程責任。(圖片來源:LIHKG討論區)
anson lo Anson Lo IG上有大量fans留言為偶像打氣。
Anson Lo IG上有大量fans留言為偶像打氣。(圖片來源:[email protected]

常見問題

Anson Lo是「神隊友」?

網民舉數例證明Anson Lo非常關心同保護隊友及一班dancer,首先,在第二場演唱會中,MIRROR 成員Frankie(陳瑞輝) 係台上獨白時,疑似…詳情請看

Anson Lo與Mo關係如何?

阿Mo同Anson Lo識於微時,早係2013年參加大學嘅O CAMP時已經認識,由於2人同樣熱愛跳舞,所以…詳情請看

圖片來源:[email protected][email protected][email protected]、LIHKG討論區、、

YOU MAY ALSO LIKE ...