觀塘

香港爆喪屍 觀塘邊度最安全? 網民:邊度都好安全 塞車根本入唔到去

網絡熱話

廣告

經常會有人問,如果喺香港爆發喪屍,究竟喺香港邊度最安全?早前就有網民問如果爆發喪屍嘅時候位於觀塘,到底應該去邊度避難。大量網民都一致認同觀塘其中一個商場係最安全,亦有網民就話「邊度都好安全,因為塞車根本入唔到去」。如果你喺觀塘遇到喪屍,你又會點做呢?

香港如果爆發喪屍 困喺觀塘去邊度最安全?

連登網民以「如果香港爆發喪屍危機,觀塘邊度最安全?」發帖,問一眾巴打絲打,假設末日來到,四處爆發喪屍潮,自己位於觀塘可以去邊度避難?樓主就率先提出係觀塘碼頭廣場,仲大讚有4個優點,包括「鄰近碼頭,有咩事可以以海路移動,同啟德郵輪碼頭成犄角之勢」、「出入口唔多,封鎖哂地面出入口之後就得返二樓天橋,防守起上嚟易好多」、「雖然係工業區,但係人流係最少嘅區域」、「有停車場,多好多物資可以維修使用」。

連登網民以「如果香港爆發喪屍危機,觀塘邊度最安全?」發帖
連登網民以「如果香港爆發喪屍危機,觀塘邊度最安全?」發帖(圖片來源:連登討論區)
連登網民以「如果香港爆發喪屍危機,觀塘邊度最安全?」發帖
連登網民以「如果香港爆發喪屍危機,觀塘邊度最安全?」發帖(圖片來源:連登討論區)

觀塘碼頭廣場獲網民一致贊同

許多網民都認同樓主建議,認為觀塘碼頭廣場不但人流係最少嘅區域,「本身已經靜到有喪屍」,亦有人話開局一定要選觀塘碼頭廣場,因為側邊有好多人會釣魚,等於有無限資源,亦有人指觀塘碼頭廣場旁邊個海勁臭,「臭到啲喪屍都唔想行入嚟或者冚哂啲人肉味」。

觀塘
(圖片來源:信和集團官網)

網民:邊度都好安全,因為塞車根本入唔到去

出名人多車多嘅觀塘更係天然屏障!有網民就話其實留喺觀塘邊度都好安全「因為塞車根本入唔到去」,亦有人話喺觀塘返工已經等於日日進行喪屍襲擊分裂「朝朝繁忙時間啲廢老,拖喼阿婆行經開源道都成個喪屍咁啦,係個度返工日日都要經歷一次生化危機」。

觀塘
(圖片來源:[email protected]試映劇場《哪裡只塞駿業里》|試當真)
觀塘
(圖片來源:[email protected]試映劇場《哪裡只塞駿業里》|試當真)

圖片來源:連登討論區、信和集團官網、[email protected]試映劇場《哪裡只塞駿業里》|試當真

YOU MAY ALSO LIKE ...