長腿叔叔

《長腿叔叔》︳其實係初代Sugar Daddy 恐怖育成故事 一文睇清叔叔4大部署

網絡熱話

廣告

童話故事《長腿叔叔》(Daddy-Long-Legs)係美國作家Jean Webster 1912年發表的書信式小說,講述一位孤兒遇到一位叫《長腿叔叔》的溫暖故事。近日有網民驚爆指原來《長腿叔叔》並唔係咩溫暖故事,竟然係Sugar Daddy恐怖育成故事?!

長腿叔叔
(圖片來源:《長腿叔叔》截圖)

長腿叔叔:一個孤兒獲得資助的故事

《長腿叔叔》這本書講述一個孤兒茱迪於孤兒院長大。18 歲時,因為茱迪有寫作天份,被一位理事資助佢上大學,負責晒佢的學費同每月的零用錢。而茱迪要做的就係需要每個月寫一封信俾呢位理事。由於茱迪從來沒有見過資助人,只知對方係一個好高大又長腿的男人,因此就稱對方為「長腿叔叔」。後來,茱迪認識了一個男子,而因自己低賤的背景不敢與對方發展,最後先發現對方就係一直資助佢的「長腿叔叔」,happy ending 結埋婚甜蜜地一起生活。呢個經典故事都被好多讀者認為係一個溫暖的故事,認為「長腿叔叔」係一個溫柔又善良的人。

長腿叔叔
(圖片來源:《長腿叔叔》截圖)

網民長大後翻看回憶崩壞:藝伎回憶錄2.0

近日,有網民在討論區上分享指原來《長腿叔叔》根本係恐怖故事,樓主指細個睇真係覺得長腿叔叔好好人對茱迪供書教學,長大睇返先發現唔係咁!討論一出引起不少網民都同意,指如果當年呢本嘢再放返喺現今的道德標準嚟講真係唔同晒「長腿叔叔係一個有違人淪既事!」、「只適合成人觀眾收看節目」,更指出係一個童養媳的故事「一個戀父一個戀童夾晒」、「現代應該俾FBI拉左」「小時候睇已接受唔到」,「同個uncle結婚!」「根本揀過岩食先養佢。」

長腿叔叔
(圖片來源:《長腿叔叔》截圖)
長腿叔叔
(圖片來源:《長腿叔叔》截圖)
長腿叔叔
(圖片來源:《藝伎回憶錄》截圖)

提出4大疑點 懷疑資助行為別有用心

有不少網民指出長腿叔叔的行為要「拎上法庭審一審」,認為故事大綱非常有嫌疑,更提出多個質疑:點解要喺孤兒院揀茱迪?啱啱好對她產生愛情?多年嚟都唔搵女朋友 A0?點解淨係助養一個孤兒?網民整合的問題都展現長腿叔叔一開始就是別有用心,對茱迪圖謀不軌。

長腿叔叔
(圖片來源:《長腿叔叔》截圖)

驚揭係Sugar Daddy育成故事

有不少網民都覺得《長腿叔叔》其實係童話版的 「Sugar Daddy」「男可以食少女,少女可以創一番事業」、「自己老婆育成計劃」,就正如「今日好多女仔都跟 UNCLE 結婚」,與現時的戀愛情況一模一樣。

長腿叔叔
(圖片來源:《長腿叔叔》截圖)

作者希望塑造一個女性成長故事

雖然現在不少人重看都覺得《長腿叔叔》的故事內容相當奇怪,不過在當時,作者琴.韋伯斯特(Jean Webster)想要塑造的卻是一個女性成長的故事。在當時,大眾認為女子接受高等教育後會不想結婚不願生育,或會導致美國種族滅絕。然而《長腿叔叔》的故事,卻公開頌揚大學教育對於女性成長的益處,它支持女性接受高等教育、導女性經濟獨立,同時亦暗示了女性應有投票權與公民權,是相當有時代意義的一個作品。 很多人不知道的是,《長腿叔叔》一書亦有續集,亦有人譯作《親愛的敵人》,故事是圍繞茱迪的好友莎莉‧瑪格布萊德,讓孤兒院慢慢變好的故事。

長腿叔叔
(圖片來源:《長腿叔叔》截圖)

撰文:gotrip圖片來源:《長腿叔叔》截圖、《藝伎回憶錄》截圖

YOU MAY ALSO LIKE ...