【過江龍】松屋牛丼!厚蛋三文治Egg Drop!2021年超令人期待10大過江龍餐廳

【過江龍】松屋牛丼!厚蛋三文治Egg Drop!2021年超令人期待10大過江龍餐廳

【過江龍】每年都有唔少世界各地嘅人氣餐廳進軍香港,例如台灣嘅燈籠滷味、日本嘅壽司郎同Sukiya,仲有泰國嘅After You,每一間都係港人去旅行都必食嘅餐廳。唔知2021年又會有邊間過江龍餐廳登陸香港呢?以下就有10間人氣連鎖餐廳,總有一間你會鍾意!

撰文:馬高斯 |圖片來源:各餐廳的Facebook專頁、官方網站|編輯:海月

2021年超令人期待期待10大過江龍餐廳

1.松屋

繼上年進軍香港嘅Sukiya,日本牛丼御三家只係淨返松屋未喺香港插旗,小編好期待三間牛丼喺香港出現,始終多競爭先有進步嘛!松屋除咗牛丼之外,仲有燒肉定食、鍋物等等。順帶一提,松屋喺2018年已經登陸台灣,唔知幾時到香港呢?

【過江龍】松屋牛丼!厚蛋三文治Egg Drop!2021年私心期待10大過江龍餐廳

2.Burger & Lobster

Burger & Lobster係英國相當出名嘅海鮮餐廳,最多人熟悉一定係啖啖肉嘅招牌龍蝦漢堡,以及龍蝦三文治,可以話係龍蝦控大愛,去親倫敦旅行嘅朋友都會必食!同樣食龍蝦,來自美國嘅Red Lobster已經登陸香港,唔知Burger & Lobster喺2019年登陸新加坡之後,有無計劃嚟香港呢?

【過江龍】松屋牛丼!厚蛋三文治Egg Drop!2021年私心期待10大過江龍餐廳

3.松發肉骨茶

要數新加坡嘅美食,肉骨茶係必食!創立於1969年嘅松發肉骨茶,由昔日手推車賣肉骨茶,慢慢發展成人氣連鎖餐廳,仲係新加坡嘅米芝蓮推薦美食之一!呢度嘅肉骨茶會有陣陣蒜香之外,同埋黑胡椒嘅香味。

【過江龍】松屋牛丼!厚蛋三文治Egg Drop!2021年私心期待10大過江龍餐廳

4.Egg Drop

要數韓國嘅「國民早餐」就不得不提食三文治嘅Isaac Toast。去到2018年韓國就出現一間主打食滑蛋三文治嘅Egg Drop,除咗招牌厚蛋三文治,仲有照燒牛肉同牛油果等等嘅選擇,唔少網民都覺得可以與Isaac Toast齊名。而且跟據韓媒報導過,Egg Drop有意進軍海外市場,唔該快啲嚟香港!

【過江龍】松屋牛丼!厚蛋三文治Egg Drop!2021年私心期待10大過江龍餐廳

5.くら寿司

自從2019年壽司郎登陸香港,至今已開咗6間分店,第7間亦好快進駐屯門區!くら寿司同樣係日本嘅人氣平價迴轉壽司店,喺日本已有超過400間分店,加上2014年已經登陸台灣,原本今年打算進軍上海,不過因為疫情而延遲,照咁睇香港都有啲機喎!

【過江龍】松屋牛丼!厚蛋三文治Egg Drop!2021年私心期待10大過江龍餐廳

6.Costa Coffee

Costa Coffee喺2010年成功超越Starbucks,成為英國市佔率最高嘅咖啡店,以及係英國最大型嘅咖啡連鎖店,至今超過30個國家已有分店,唔知幾時輪到香港呢?

【過江龍】松屋牛丼!厚蛋三文治Egg Drop!2021年私心期待10大過江龍餐廳

7.程味珍

喺台灣已有40年歷史嘅程味珍,佢哋嘅招牌滷味同滷肉飯都係旅客嘅必點美食!好食到有代購網,幫人代購程味珍真空包裝滷味運送到港!台灣嘅老字號老天祿、師大夜市嘅燈籠滷味,喺2020年都相繼來港,睇嚟香港係有市場應該要考慮一下!

【過江龍】松屋牛丼!厚蛋三文治Egg Drop!2021年私心期待10大過江龍餐廳

8.In-N-Out

美國嘅人氣漢堡店Five Guys、Shake Shack已經相繼登陸香港,美國人氣必食漢堡就只欠In-N-Out就齊腳!早喺2012年、2015年同2018年,In-N-Out曾經喺香港三度開設期間限定店試水溫,不過暫時都未見有開分店嘅消息。

【過江龍】松屋牛丼!厚蛋三文治Egg Drop!2021年私心期待10大過江龍餐廳

9.Mister Donut

雖然Mister Donut嚟自美國嘅連鎖冬甩店,不過唔少人嘅印象可能會係日本,因為日本嘅Mister Donut推出好多特別嘅口味,又會有例如同Pokemon合作等等,小編私心希望香港快啲開分店!

【過江龍】松屋牛丼!厚蛋三文治Egg Drop!2021年私心期待10大過江龍餐廳

10.艋舺雞排

艋舺雞排係台灣藝人NONO開設嘅炸雞扒店,曾經被台灣網民票選為最愛雞扒第二名。艋舺雞排喺英國、加拿大亦有開分店。2018年NONO開設嘅茶飲店花羨沐嵐已進駐香港,唔知艋舺雞排又會幾時嚟香港呢?

【過江龍】松屋牛丼!厚蛋三文治Egg Drop!2021年私心期待10大過江龍餐廳

睇咗咁多間世界各地嘅餐廳,齋睇已經流晒口水,如果喺香港有分店可以去食就好喇!唔知大家又希望邊間成為過江龍嚟香港開分店呢?

 

YOU MAY ALSO LIKE ...