花之戀壽司原來係香港獨創!日本人都話正揚威日本!

花之戀壽司原來係香港獨創!日本人都話正揚威日本!

大家以為香港獨有嘅壽司就只有「明將」超騎呢嘅「紅豆軍艦」?原來香港真係有揚名海外嘅壽司,就連日本人都話正、就係「花之戀」壽司!日本節目《世界くらべてみたら》係介紹日本餐廳開到世界各地嘅情況,今次就派出居港日本人化身特派員,前往「壽司郎」嘅香港分店,調查到底同日本壽司郎有咩分別,更為大家解構香港獨創「花之戀」壽司!

撰文:海月 |圖片來源:《世界くらべてみたら》、洪天明IG

日本人都話正!香港獨創「花之戀」壽司

全球疫情至今情況略為緩和,不過香港人經已2年多無返「鄉下」,人生變得好枯燥。呢個時候好彩「壽司郎」進軍香港市場,等我哋可以喺香港感受身在日本嘅滋味!短短一年間經已全港各區開唔少分店,依然一席難求,每次經過都大排長龍!

今次節目特派員去咗樂富分店做訪問,日本人大讚香港分店嘅外觀同內部裝潢幾乎一模一樣,職員仲會用日文打招呼,連特派員都以為自己返咗日本!

洪天明食到怕?日本人就好葡萄?香港名物花之戀揚威日本
(圖片來源:《世界くらべてみたら》)

節目中介紹咗2款香港「壽司郎」限定壽司,其中一款就係唔少港人大愛「花之戀」!大家由細食到大,「花之戀」已經成為我哋理所常然嘅香港壽司,之但係「花之戀」嘅由來你又知唔知呢?

洪天明食到怕?日本人就好葡萄?香港名物花之戀揚威日本
(圖片來源:《世界くらべてみたら》)

原來事源1990年,香港某間日本餐廳嘅店主同老婆鬧大交,店主為咗氹返老婆大人,於是構思出「花之戀」,好似100支玫瑰咁,整夠100件「花之戀」送畀老婆大人。

洪天明食到怕?日本人就好葡萄?香港名物花之戀揚威日本
(圖片來源:《世界くらべてみたら》)

特派員試食後都話正,其他節目嘉賓個個都睇到流晒口水!其實「花之戀」做法好簡單,用幾塊三文魚包住醋飯,砌成花形狀,再喺中間加入蛋黃醬同魚子。

洪天明食到怕?日本人就好葡萄?香港名物花之戀揚威日本
(圖片來源:《世界くらべてみたら》)

勢估唔到日本嘅壽司進軍香港,之後又畀「花之戀」打返過去日本!為更了解香港原創壽司「花之戀」,今次記者更喺香港壽司郎親身試食,除外形美且浪漫,記者更認為蛋黃醬為三文魚的甘味增添一份層次,兩者調和非常完美,而三文魚籽粒粒分明很有咬口,非常好食!

而2019年有日本餐廳以藝人洪天明個大名做店舖招徠,只要名字中含有「洪天明」任何一個字,就可以免費得到「花之戀」,如果三隻字齊晒就可以得到1000件壽司,當時成為城中熱話。洪天明過去喺《獎門人》節目入面累積獲得超過20000件花之戀壽司成為「花之戀毀滅者」。

洪天明食到怕?日本人就好葡萄?香港名物花之戀揚威日本
(圖片來源:TVB)

究竟佢點樣先食得曬嗰20,000件花之戀壽司呢?有網民計算過,當一餐食到20件壽司,早午晚都食都要食足一年先食得曬20,000件。難怪曾經一次訪問中,洪天明本人要同「花之戀」劃清界線,話好多年無吃過三文魚。睇嚟貌似洪天明就食到怕咗,反而班日本節目嘉賓就睇到流晒口水,一定好葡萄洪天明節目有得狂食「花之戀」!

洪天明食到怕?日本人就好葡萄?香港名物花之戀揚威日本
(圖片來源:洪天明IG)

YOU MAY ALSO LIKE ...