【老妻少夫】相差32年中國母子戀!為保郎情決定去皺拉皮,結果…

【老妻少夫】相差32年中國母子戀!為保郎情決定去皺拉皮,結果…

【老妻少夫】唔知大家多年前有無聽過喺大陸就有一對夫婦,以「老妻少夫」而聞名網絡世界,女嘅大過男足足32年,當初哪怕屋企人極力反對,都無阻佢哋相愛,女方為咗睇落年輕啲,仲走去拉皮,最後仲結埋婚,兩人成日網上放閃直播!時間就過咗咁耐,兩人千辛萬苦終成眷屬,大家認為佢哋而家過成點呢?

撰文:馬高斯 |圖片來源:人人焦點、中国辽宁卫视、新浪看点、ximalaya、腾讯|編輯:海月

相差32年中國母子戀

出生於1969年,現年52歲嘅李玉成,以及1937年出生,現年84歲嘅馬玉琴,兩人來自遼寧凌海市同一條村落。雖然年齡差距有32年,不過就以「老妻少夫」聞名中國網絡世界。原來年輕時嘅馬玉琴係當地非常出名嘅戲曲演員,外貌俊美,可以話係迷倒一眾男人!至於李玉成細細個就成日睇馬玉琴嘅表演,深深被對方舞台上嘅魅力所迷倒。後來李玉成得知馬玉琴係自己爸爸嘅小學同學之後,就更加對佢有一份親切感,仲主動叫馬玉琴做舅母。

【母子戀】相差32年大陸母子戀 拼死相愛嘅盡頭曝光
雖然年齡差距有32年,不過就以「老妻少夫」聞名中國網絡世界。

一段戀愛關係都要雙方有心先得,原來馬玉琴都對李玉成相當心動,更會趁休息時間抱佢上舞台共舞。 直到李玉成長大成人,仲加入埋馬玉琴嘅戲班,於是兩人就成為拍檔,經常同台演出,朝夕相對,自然日久生情,仲發展到談婚論嫁嘅地步!

【母子戀】相差32年大陸母子戀 拼死相愛嘅盡頭曝光
直到李玉成長大成人,仲加入埋馬玉琴嘅戲班,於是兩人就成為拍檔,經常同台演出,朝夕相對

始終兩人相差32年,對於呢場婚事,李玉成嘅父母非常反對,覺得個仔心理有問題,簡直係重度戀母情結,李玉成媽媽甚至以死相逼。至於馬玉琴屋企人方面,佢嘅老公好早就離開人世,一直同兩個仔相依為命,兩個阿仔得知阿媽呢場母子戀,表示唔理解,仲想斷絕母子關係!

【母子戀】相差32年大陸母子戀 拼死相愛嘅盡頭曝光
呢場婚事,李玉成嘅父母非常反對,覺得個仔心理有問題,簡直係重度戀母情結,李玉成媽媽甚至以死相逼。

不過兩人不顧家人嘅極力反對,為咗一齊仲離開屋企,試過住茅草屋、橋洞,捱過唔少苦;而馬玉琴仲為咗睇落年輕啲,仲走去做去皺拉皮手術。

【母子戀】相差32年大陸母子戀 拼死相愛嘅盡頭曝光
去皺拉皮後加上化妝,的確看起來變得略為年輕

去到2017年,馬玉琴同李玉成開始做網上直播放閃,每日早午晚播足6個鐘,分享跳舞、日常生活等等。不過一段關係總有磨擦位,馬玉琴曾指責老公,身體唔太舒服都要佢做直播,曾揚言要離婚。而李玉成都透露過,屋企人一直催佢生仔,當時網絡上傳出過婚變嘅傳聞!

【母子戀】相差32年大陸母子戀 拼死相愛嘅盡頭曝光
馬玉琴同李玉成開始做網上直播放閃,每日早午晚播足6個鐘

可惜時至今日,呢段母子戀都係經不起風浪,最終不再相愛嘅兩人,據微博消息指都係向現實低頭離婚收場。

YOU MAY ALSO LIKE ...