【社畜人生】某日資大公司被揭發、員工每月OT過百小時過勞死!

【社畜人生】某日資大公司被揭發、員工每月OT過百小時過勞死!

【社畜人生】「過勞死」呢種現象係講緊一個人因為過度工作,缺乏休息,最後導致捱唔住死亡。至今為止,有員工過勞死事件經常發生,就算日本政府推行法例去保障員工,都斷絕唔到過勞死現象。就算喺SONY呢種大公司都有發生!

撰文:馬高斯 |圖片來源:くらしと仕事、LINE NEWS、ANN|編輯:海月

某大公司員工每月OT過百小時過勞死

喺2018年1月,SONY駐杜拜嘅日藉年過4字頭員工因心臟病死亡,呢位男員工喺2007年入職,2015年開始去到杜拜工作。事到3月15日,死者嘅老婆公開咗原因。透過死者嘅日程表、LINE嘅對話記錄、電腦嘅登入時間、電郵記錄,同埋同事嘅證供等等去判斷,死者死前三個月超時工作約136至265小時,情況非常嚴重!

圖只係示意圖
「過勞死」呢種現象係講緊一個人因為過度工作,缺乏休息,最後導致捱唔住死亡。

日本嘅過勞死事件又點止呢單,喺2015年,日本最大廣告公司電通,一名24歲女職員高橋茉莉,喺員工宿舍跳樓自殺身亡。日本厚生勞動省調查發現,死者死前嘅10月至11月期間,佢嘅工作量大增,佢亦因為長時間工作而患咗憂鬱症。單係發病前1個月,已經OT工作105小時,幾乎每日瞓得2小時。

【社畜】某大公司被揭發日藉員工每月OT過百小時過勞死
名24歲女職員高橋茉莉,喺員工宿舍跳樓自殺身亡。

另外,喺2013年7月24日,於NHK電視台工作嘅佐戶未和,被友人發現喺屋企床上暴斃死亡,死因調查發現因為過勞導致心臟衰竭。經調查後發現,死者喺6月至7月期間,至少超時OT咗159小時37分鐘,一個月內只得兩日假期,嚴重缺乏睡眠,最後過勞死。

【社畜】某大公司被揭發日藉員工每月OT過百小時過勞死
2013年7月24日,於NHK電視台工作嘅佐戶未和,被友人發現喺屋企床上暴斃死亡,死因調查發現因為過勞導致心臟衰竭。

雖然日本政府有針對超時工作問題,而去制定法例保障員工,每月加班時間上限為45小時,全年就360小時。但係容許繁忙時期可以「每月100小時」同「個別職種全年720小時」嘅特例。先唔講法例到底有無用,要改變現狀,首先要改變日本嘅職場文化,同埋日本人嘅觀念先。

YOU MAY ALSO LIKE ...