男友

難忍男友無主見常提一口頭蟬 港女怒提分手:呢種人比渣男更難接受!

網絡熱話

太有主見又話自我中心,太聽父母話又會變成「裙腳仔」?有港女因難忍男友每事都要先問媽媽意見,甚至希望她也一同跟從,令她壓力甚大,終於在數日前忍無可忍提出分手,直指「比起渣男,我真係接受唔到人生任人擺佈、毫無主見嘅人!」

撰文:Wendy|圖片來源:TVB劇集《BB來了》截圖、TVB劇集《愛回家之開心速遞》截圖、Dcard討論區截圖

男友
(圖片來源:TVB劇集《愛回家之開心速遞》截圖)

裙腳仔男友咩都問阿媽

這名港女日前在Dcard討論區以「比起渣男,盲目聽老母話嘅男仔仲得人驚」為題發文,指自己近日向男友提出分手,斥責對方為人沒有主見,事無大小都會先問媽媽意見,如同一名裙腳仔。「一開始一齊果陣還好,但係後來溝通得越耐,就發現佢有一句口頭禪,就係『阿媽話………』。」

男友
(圖片來源:TVB劇集《BB來了》截圖)

男友將「阿媽話」時刻掛在嘴邊

事主舉例稱,二人拍拖以來,男友不時都會以媽媽的話為由,拒絕她的意見,小至約會食飯選擇餐廳,大至兩人旅行的地點,「約佢食飯揀餐廳,佢話『阿媽話呢間麻麻地,我地換第二間啦』,疫情前最後一次去旅行,我想去歐洲,佢話『阿媽話亞洲以外地方咁貴唔值得,我地都係去台灣或者泰國啦』。」她坦言,日常生活中各式各樣的瑣碎事,男友都不時把「阿媽話」掛在嘴邊,令她覺得相當煩厭。

男友
(圖片來源:TVB劇集《BB來了》截圖)

事主:連我嘅人生大事都想由佢阿媽決定!

事主在相處中不時忍讓男友,沒想到男友變本加厲,甚至希望她的人生大事也聽從其母意見。她憶及,早前她因堅持出國當交換生而與男友大吵一架,但男友竟再次搬出媽媽作理據,「嘈到一半佢突然爆左一句話 :『即係我覺得你去唔係問題,但係阿媽話外國依家疫情仲係好危險,怕你到時exchange完唔知帶咗啲咩病毒返黎,傳染佢地老人家,所以你都係唔好去啦,唔想佢地唔開心…』。」她坦言事件令她對男友徹底死心,「關於我人生嘅事我唔開心唔緊要,但係你阿媽唔開心就唔得,就要我犧牲?真係冇得救架喇。」

男友
(圖片來源:TVB劇集《BB來了》截圖)

事主:無主見嘅人比渣男更難忍

事主指以往拍拖也曾被「渣男」出軌,「可以下晝俾我朋友捉到拖住另一個女仔喺超市買餸煮飯仔,打電話畀佢嗰下仲同我講佢喺公司OT緊」,不過這任男友卻令她看清真相,原來毫無主見的男友更令人難以接受,直指不捨得也得放手:「比起渣男,我真係接受唔到人生任人擺佈毫無主見嘅人,潛移默化就會影響埋你自己嘅決定!係唔捨得架,不過好行唔送!」

男友
(圖片來源:TVB劇集《BB來了》截圖)

網民對此議論紛紛,不少人都附和事主,指難以跟沒有主見的人溝通,因為他們大多都不懂作出決定,所有事都希望別人代勞,「不如落街買飯盒買邊盒都問埋阿媽,我覺得呢啲冇自我嘅人同邊個相處都好難」、「你問佢『而家你同我拍拖定同你阿媽拍拖?』」、「其實佢係沒有主見,如果有一件事佢阿媽沒有想法,佢係唔係會聽你講先?」。

男友
(圖片來源:Dcard討論區截圖)
男友
(圖片來源:Dcard討論區截圖)
男友
(圖片來源:Dcard討論區截圖)
男友
(圖片來源:Dcard討論區截圖)

亦有不少人認為還是「渣男」更惡頂,又指世界上又不只是剩下「渣男」,不應作出如此比較,認為兩種都不可取,「點解講到男人好似得返『渣男』同『媽寶』兩個,要2選1咁,兩個都唔好要啦」。

男友
(圖片來源:Dcard討論區截圖)
男友
(圖片來源:Dcard討論區截圖)
男友
(圖片來源:Dcard討論區截圖)

圖片來源:TVB劇集《BB來了》截圖、TVB劇集《愛回家之開心速遞》截圖、Dcard討論區截圖

YOU MAY ALSO LIKE ...