儀式感

女朋友成日鬧男人生日冇儀式感 網民:你根本唔明男人!

網絡熱話

廣告

相信女士們生日都會想收花,有驚喜,充滿佈置等等。就算冇大禮,儀式感相信都不可或決,亦會對男人充滿期望,但係男人各度又係點睇呢。而近日連登討論區就有人討論男人對於儀式感一事,並認為唔應該完全怪責男人冇儀式感!?

儀式感 生日
(圖片來源:台劇「想見你」劇照)

樓主認為男人已看化節日

樓主覺得男生自細可能對生日冇特別大感觸,源自於屋企人對男性可能冇特別慶祝又或者其他方式渡過。家人只會留自己一句「今晚自己搞掂」。而男人自己圈子圍內好少話特別去慶祝又或者送禮物,更嚴重到連生日都唔會提起。並表示「需要儀式感代表你童年係受人關注」,大部分男人早已接受生日並不特別。十分唏噓。而網民都認同哩一點,覺得生日只不過係好平淡一日,特別男網民都講到一班男人好少會特別去搞PARTY或者交換禮物,只要普普通通食餐飯,飲飲酒就好滿足,甚至覺得有人記得自己生日都好驚喜

儀式感 生日
(圖片來源:TVB愛回家劇照)

價值觀問題強烈討論

而帖文前中段都得到大多數人支持 大家好認同儀式感並未必話一定好重要,覺得生日都係好普通,簡簡單單就好,「如果日日都開心 生日搞唔搞都冇所謂」、「只係一個約食飯籍口見下班兄弟」等等。但之後開始有女會員指「係唔係人生未試過,體驗過就唔洗學咩」 認為未做過唔代表唔洗學。亦指「其實生活小情趣係要既」,而唔係一拍拖去到老夫老妻平淡生活。」更指話「直男」引起熱烈討論。

樓主最後親自解話平息

當討論得如紅如荼,樓主都親自出咗黎話其實帖文唔係引戰,

「只係想講成長經歷造就價值觀」。而睇得出樓主只係想分享人生一點唏噓,其實冇儀式感未必係太懶,可能只係覺得個人經歷會影響對生日嘅睇法。

圖片來源:台劇「想見你」劇照, TVB愛回家劇照, 連登討論區

YOU MAY ALSO LIKE ...