的士佬交更拒載孕婦 網民熱議：價值觀唔同無得講

網民︰「人命呀，咁都分唔到輕重先後？」

事主post短短幾句放左上Group之後，引起不少網民討論，有人認為的士司機好冇人情味，覺得生仔涉及人命，就唔應該因為交更少事而拒載，覺得網民及的士司機價值觀問題，並十分直接道出︰「價值觀可以睇出一個人嘅修養」，指出的士司機是有一定接載必要。而其他網民就指出其實的士未必係最好方法，而且的士司機的確要交更，穿胎水會影響到司機，指其他叫車渠道也是好方法，表示理解的士司機 「大家都知架車搵食」「個陣我放張吸水墊係個坐位到」，表示自己都可以做好準備唔好麻煩到司機。

爸爸太過緊張

當然亦有留言指作動唔洗太過心急，網民都睇得出事主係新手爸爸，表現可以更冷靜處理，有網文分享自己經歷「可以Call的士慢慢等司機來！！」、「我慢慢執埋d野，朝早7點叫醒老公食完早餐先落去搭的士入醫院」，覺得可以慢慢黎，不過大家都理解係新手爸爸，再加上交更時段，生氣都可以理解。

不過最後就最緊要大小平安，作為爸爸要做好準備！身邊嘅人先會淡定。不過最後個Facebook post禁止留言，可能是討論太激烈了。