《鬼滅之刃》疑「辱國」出事!?韓國同大陸網民狂插:想播就同我改!Netflix跪底!

《鬼滅之刃》疑「辱國」出事!?韓國同大陸網民狂插:想播就同我改!Netflix跪底!

《鬼滅之刃》自從動畫版推出之後人氣大爆發,隨後去到劇場版《無限列車》更打破紀錄成為日本至今電影票房第一,炎柱嘅最後一戰真係十分精彩!不過喺中國大陸同韓國,卻發生咗一件估你唔到嘅事情,搞到大陸同韓國網民狂插《鬼滅之刃》,今次就等小編同大家睇吓到底所謂何事!

撰文:馬高斯 |圖片來源: amazonaws.com、巴哈姆特動畫瘋、BiliBili、香港高登|編輯:海月

話說近排《鬼滅之刃》終於喺韓國Netflix上架,有韓國網民發現炭治郎嘅耳飾圖案,像極了日本二戰時期嘅「旭日旗」,直指Netflix直接使用日版原片,並無加以修改,感到非常不滿,仲話要求Netflix要將日本類作品均列上「戰犯國」去稱呼。最後Netflix為咗平息事件,就修改咗炭治郎嘅耳飾,由類似「旭日旗」圖案變成四條橫線。

左面係改前,右面係被改後
左面係改前,右面係被改後
結果被改成四條橫線
結果被改成四條橫線

其實日本同韓國喺二戰歷史問題上一直有唔少爭論嘅問題,早喺《無限列車》上映果陣,片商已經特登修改咗耳飾圖案。不過今次Netflix無修改到,就慘被韓國網民圍插!

二戰時期嘅「旭日旗」
二戰時期嘅「旭日旗」

其實被網民圍插事件又點止呢單,喺幾個月前中國大陸亦發生咗辱華事件,被小粉紅追擊!辱華事件又係離唔開像極了「旭日旗」嘅耳飾,大陸網民認為似旭日旗,即係同大日本帝國主義有關,結果動畫版澄清完之後,到咗劇場版上映又再次炎上。為咗平息事件,《無限列車》嘅中國上映版本亦被「和諧」,版本同樣係四條橫線。

左面係改前,右面係被改後
左面係改前,右面係被改後
左面係改前,右面係被改後
左面係改前,右面係被改後

YOU MAY ALSO LIKE ...