港男

不同Fans嗌交鬧出離婚危機! 港男老公一句話焫著鏡粉老婆 網友仲建議買藥「氹」老婆

網絡熱話

不同偶像嘅Fans之間嗌交,雖然時有聽聞,但諗唔到竟然會發生喺夫妻身上。港男老公無意中的一句說話,激到作為Mirror Fans「鏡粉」的老婆紮紮跳,仲冷戰咗一晚。港男老公雖然口硬話唔後悔,但都擔心可能因此搞到離婚,一眾網友又點睇,會撐邊一面?

撰文:Yin|圖片來源:香港討論區截圖、TVB劇集《BB來了》劇照

港男老公日前喺香港討論區發帖,分享這次夫妻之間的Fans衝突。港男老公自言係張敬軒Fans,但買唔到演唱會飛,當近日不斷聽聞演唱會點樣好、點樣正,就覺得好傷心,於是就喺屋企播歌慰藉一下。估唔到,就咁引起衝突嘅火頭。

港男
(圖片來源:TVB劇集《BB來了》劇照)

批評「全天候24小時感冒」嘅歌手港男老公激嬲鏡粉老婆

港男老公話一播歌,鏡粉老婆即刻喺房行出嚟,黑面訓斥老公播歌,騷擾佢聽男神啲歌。於是老公都惡形惡相回應,除咗四字真言嘅粗口,仲批評Mirror係「全天候24小時感冒」嘅歌手。

結果當然係將鏡粉老婆激得更嬲,仲冷戰咗成晚,無講過嘢。雖然港男老公話唔後悔,但亦都向廣大網友求教,要如何收拾殘局。

港男
(圖片來源:香港討論區截圖)

網友斥港男夫妻 若為歌手而離婚就真低B

網友普遍都認為兩人小事化大,又話就算之前聽聞過有夫妻因為政見而離婚,但如果為支持的歌手不同而離婚,就真係太低B;亦有網友不作糾纏,直接「感建分」,感情問題一律建議分手。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)

網友撐港男老公 仲建議買感冒藥畀鏡粉老婆

不過,單計支持軒公Fans嘅港男老公,抑或鏡粉老婆,似乎喺香港討論區就係港男老公比較多人撐,唔少網友仲乘機對Mirror踩多兩句,仲諷刺話:「試下買包速效感冒藥比你老婆…」亦有網友疑問,其實Mirror近期大紅嘅原因係咩,又話感覺好多鏡粉都係跟風,人話鍾意、佢又話鍾意。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)

網友叫港男老公要綠帽除得快

除咗歌唱表演未得到網友認同,更有唔少網友趁機表達,不滿鏡粉將老公和男朋友稱呼做「前夫」,形容「個心唔喺你度,要嚟都冇用」,又話一眾港男「綠帽要除得快」。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)

相嗌唔好口 不如改聽陶大宇倒轉地球

喺激烈反鏡以外,正所謂「相嗌唔好口」,都有網友充當和事佬,建議港男老公同鏡粉老婆一人讓一步,戴耳機聽歌避免磨擦,亦可以嘗試互相接受彼此嘅喜好。亦有人發揮幽默感,不如夫妻兩人都改聽陶大宇嘅倒轉地球。

港男
(圖片來源:香港討論區截圖)
港男
(圖片來源:香港討論區截圖)

YOU MAY ALSO LIKE ...