靚女

美麗有罪!? 男朋友要求分手 原因竟然係港女太過靚女 網友笑佢太天真

網絡熱話

講到男女交往,好多人都係外貌協會,總係希望搵個靚仔靚女拍拖,但凡事都可能有例外。有港男分享女同事的感情煩惱,女方遭到男朋友提出分手,理由唔係變心有第三者,而係覺得女朋友太靚女,唔適合作為結婚對象。不過,就算依個係真實原因,唔少網友都暗笑依位男朋友實在太天真。

撰文:Yin|圖片來源:高登討論區截圖、電影《紀念日》劇照

男女拍拖分手,理由可以有千百萬個,但如果嫌女朋友太靚都係原因,就確係「黑人問號」。有港男就在高登討論區分享女同事嘅感情煩惱,女同事日前同港男食晏,忽然自爆喺12月中已經分咗手。

靚女
(圖片來源:電影《紀念日》劇照)

男朋友去婚禮成感情轉捩點 令女同事被飛

這位女同事之前同剛剛分手的男朋友一齊咗幾年,感情一直都幾好,但男朋友去朋友婚禮,就成為兩人之間的感情轉捩點。男朋友當日出席婚禮之後,對女同事就突然變得好冷淡,過多三日甚至提出分手。

分手過程都算和平,雙方都好冷靜,並無大吵大鬧。不過,女同事當時就問:「可唔可以俾個分手理由我?」

靚女
(圖片來源:電影《紀念日》劇照)

估唔到嘅分手原因:嫌你太靚女

估唔到,男朋友竟然係嫌女同事太靚,佢話:「嗰日去完婚禮,我發現朋友老婆個樣普通到唔普通,甚至屬於醜樣。但我識佢咁耐,佢條條女都正到暈;我老死話靚女都不適宜結婚,只有普通樣先娶得過,唔駛受氣,唔駛怕戴(綠)帽。」

男朋友聽完老友嘅選擇心得,簡直如夢初醒,仲話:「佢(老友)點醒咗我,所以我諗落,我哋都係唔係咁適合㗎啦…我覺得我都係搵返平平凡凡嘅女仔好過。」

就算係外貌協會,分手理由一般都係嫌對方唔夠靚、唔夠吸引,嫌女朋友太靚而分手,確實係相當少見。女同事亦都話,聽完男朋友解釋,都唔知好嬲定好笑。偏偏,男朋友好認真,結果兩個人就咁分手。

靚女
(圖片來源:高登討論區截圖)

女同事真係咁靚女? 港男話其實唔係好靚

可能好多讀者都睇到「黑人問號」,但更搲頭嘅係港男本人。雖然畀男朋友「嫌太靚」,但港男認為女同事就算係靚女,但都不至於靚女到咁誇張要分手,部分男同事甚至唔認為佢算係靚女。女同事本身亦唔算花枝招展嘅類型,應該唔關大花筒打扮嘅問題,所以最後都係無答案。

靚女
(圖片來源:高登討論區截圖)

以為靚女先大脾氣唔專一? 網友笑太天真

對於女同事男朋友嘅想法,唔少網友都認為係太天真,「娶個醜就以為唔駛受氣同戴帽咩」;亦有網友估計,男朋友可能係悟出人生道理,於是決定揀個樣貌普通,但有錢嘅女仔,至少可以奮鬥少幾十年,又或者係寧願搵個身材好。

靚女
(圖片來源:高登討論區截圖)
靚女
(圖片來源:高登討論區截圖)

原來「靚女有罪」 網友對結唔到婚惚然大悟

有唔少網友都講笑咁「惚然大悟」,明白自己點解情路坎坷、結唔到婚,就係因為自己太靚。

靚女
(圖片來源:高登討論區截圖)
靚女
(圖片來源:高登討論區截圖)
靚女
(圖片來源:高登討論區截圖)

YOU MAY ALSO LIKE ...