男人

港男慨嘆香港女尊男卑 奉勸巴打做男人要學識保護自己 巴打有共鳴 齊齊大呻香港男人之苦

網絡熱話

現今社會追求男女平等,打破男尊女卑嘅舊有格局,但事實上又如何?有港男上網慨嘆香港如今係女尊男卑,奉勸各位男士記緊要學識保護自己,隨即引起眾多男網友嘅共鳴,齊齊大呻喺香港做男人嘅苦況。

撰文:Yin|圖片來源:LIHKG討論區截圖

香港唔似韓國同日本社會咁大男人主義,香港女人嘅地位已經唔會輸蝕畀男人,甚至比男人有過之而無不及,變成女尊男卑。有港男就喺LIHKG討論區發帖,奉勸各位巴打要學識保護自己,唔好畀女人壓榨。

男人
(圖片來源:LIHKG討論區)

男人一樣青春有限 女人無畀錢買樓唔好落名

港男樓主話,假如要結婚買樓,而層樓嘅首期月供係自己畀晒,就千祈唔好落老婆個名;叫各位巴打可以喺婚前搵定律師,簽定離婚財產分配協議,仲話如果女人真係愛你,佢唔會打算離開你,就一定會簽。(編註: 根據以往新聞報道,離婚財產分配協議喺香港嘅效力同外國有差別,未必真係徹底保障到唔駛分身家。)

依位港男又講到男人都一樣係青春有限,一遇到成日脾氣、無人生計劃、儲唔到錢、成日買嘢嘅女人,就應該果斷分手,尋找更好嘅下一個。

男人
(圖片來源:LIHKG討論區)

樓主建議香港男人唔好向女伴透露密碼

港男樓主建議各位巴打,唔好將任何密碼透露畀女人知道,以防遭到女方日後人格謀殺,形容王力宏已經係前車可鑑;仲要定期保留照顧女方嘅證據,例如送過幾多禮物、比過幾多家用、甚至係花咗幾多心思哄佢等等,避免一旦反面,遭到抹黑就變成渣男。

樓主仲提醒巴打們,唔好畀一刻熱情衝昏頭腦,要搵一個懂得愛錫你的女人,如果對方成日鬧你同兄弟飲酒打機、買埋啲無謂嘢,形容依種女人係自我中心,只會迫男人迎合佢,唔係真心愛你。

男人
(圖片來源:LIHKG討論區)
男人
(圖片來源:LIHKG討論區)

網友呻男人付出完 日韓女友起碼好好笑容講多謝

喺香港做人好攰,做男人就更攰。帖文一出,馬上引起眾多巴打嘅共鳴,一齊大呻香港男人之苦。有網友直言,香港男人最慘係付出完,仲要受氣、唔開心;雖然要求男友買禮物、食好嘢,好多地方嘅女人都會要求,但好似日本、韓國、台灣等地方嘅女人會「好好笑容咁講多謝」,令男人好受落、好願意為佢付出,而香港女人好多時求其講一句多謝就算。

亦有巴打話,唔明白香港男人點解喺結婚後,要將份人工交畀老婆管,仲要好多人都覺得依種做法係正常。

男人
(圖片來源:LIHKG討論區)
男人
(圖片來源:LIHKG討論區)

網友盤點香港男人總係要付出較多心思同金錢

仲有網友一口氣盤點咗香港男人在男女關係上方面,男人總係要不斷挖空心思去討好對方,財政上亦往往係付出比較多嘅一方。

男人
(圖片來源:LIHKG討論區)
男人
(圖片來源:LIHKG討論區)
男人
(圖片來源:LIHKG討論區)
男人
(圖片來源:LIHKG討論區)

女鏡粉稱老公係前夫 中佬質問掉轉係男人可以咁做?

有中年網友就話,一早已經覺得男女關係當中,好多事對男人唔公平,並舉出90年代好多男人為求換Snoopy氹女朋友,日日食麥當勞;到近期大批女鏡粉追星,自稱嫁咗畀Mirror,而一眾老公和男朋友無厘頭變成「前夫」。依位網友反問,有無可能性別對掉,男人叫某某女星做老婆,仲將老婆同女朋友變「前妻」。

男人
(圖片來源:LIHKG討論區)
男人
(圖片來源:LIHKG討論區)
男人
(圖片來源:LIHKG討論區)
男人
(圖片來源:LIHKG討論區)
男人
(圖片來源:LIHKG討論區)
男人
(圖片來源:LIHKG討論區)

男人唔好睇愛情太重 當自己情聖

另有網友話,喺男女關係中,男人唔好將愛情睇得太重,唔好以為自己係情聖,抱住「合則來,不合則去」嘅態度,先至可以保護到自己。

男人
(圖片來源:LIHKG討論區)

圖片來源:LIHKG討論區截圖

YOU MAY ALSO LIKE ...