港男

港男慨嘆年過45歲好難識對象 網友打臉錯重點 仲話中佬都可以「不想努力」!?

網絡熱話

過去坊間不時討論「剩女」,形容女士到若干年齡仍然搵唔到伴侶,其實男士又何嘗唔係一樣?有港男就慨嘆,男人超過咗45歲就好難識到對象。雖然講法有網友認同,更多網友就對港男打臉,直斥他錯晒重點,睇男人根本唔係睇年齡,仲意外引出「不想努力」嘅故事。

撰文:Yin|圖片來源:香港討論區截圖、ViuTV節目《中佬唔易做》截圖、新傳媒圖片

有港男日前喺香港討論區發帖,求教網友「男人超過45歲係咪比較難識對象」。港男話,除非有份好工做,搵到唔少錢,否則都係好困難。但佢又話,有部分女人要求好低,淨係有食有住,嫁過(編註:應該係「個」,不是「過」)男人,(就算對方)條件唔好,例如年齡大10幾年,或做份司機都可以接受。

港男
(圖片來源:ViuTV節目《中佬唔易做》截圖)

港男40係一枝花?定係爛茶渣?

對於港男這番見解,都有部分網友不表同意,仲話「男人40一枝花,女人40變大媽」(編註:慣用俗語應為「男人三十一枝花,女人四十爛茶渣」);但有網友亦都自言「又窮又老又冇學識」,決定「疊埋心水做萬年單身狗」。

港男
(圖片來源:香港討論區截圖)
港男
(圖片來源:香港討論區截圖)

網友斥港男錯重點:45歲係Sell錢

不過,更多網友就覺得港男嘅講法係錯重點,因為睇男人從來唔係睇年齡,而且正如上面準備做「萬年單身狗」的網友一件事提到,就係窮,先至係難識女仔的真正原因。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)

45+成功例子不少 先決條件係港男要有錢

網友仲向港男介紹眾多「45+」的成功例子,證明年齡從來都唔係男人識女仔嘅障礙,有錢嘅男人幾多歲都可以有大把女。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:新傳媒圖片)
港男
(圖片來源:香港討論區截圖)
港男
(圖片來源:香港討論區截圖)

港男不妨「將貨就價」 一樣有選擇

當然,大部分網友都可能未達到上述成功男士嘅級數,但亦都唔駛咁快灰心。畢竟在男女這個「大市場」,都係講供求關係,如果達唔到高水平,或者可以降低自己嘅要求,搵返同一年齡層都係選擇。有網友就講笑話,假如45歲港男將目標對準60至80歲嘅年齡層,一定大有市場。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)

港男不用灰心 中佬都可以得到「不想努力」遭遇

其實做人又唔駛去到60歲以上咁極端,有網友就分享中佬都可以遇到「阿姨我不想努力了」的故事,女方仲要唔係阿姨,而係比男方年紀還要細5歲,絕對係勵志故事。雖然這個勵志故事「無圖無真相」,但其他網友估計,可能女人去到某些年紀,確實已經無太多要求;亦有人估計可能係這位中佬本身靚仔,先至吸引到「有錢阿姨」。

港男
(圖片來源:香港討論區截圖)
港男
(圖片來源:香港討論區截圖)
港男
(圖片來源:香港討論區截圖)

YOU MAY ALSO LIKE ...