小薯茄童童

港女數臭渣男EX 爆分手原因:因為小薯茄童童

網絡熱話

廣告

一世人流流長,總有人會遇到啲人渣,將真心錯付。能夠重獲新生已經係不幸中嘅大幸,但回想呢段經歷有唔少人會覺得如刺在喉,不吐不快。近日就有位港女係討論區上自爆前度係渣男,不但發文細數前度渣男行為,更稱分手原因關小薯茄童童事?!睇到網民O曬嘴!

小薯茄童童
(圖片來源:電影《獨家試愛》劇照)
小薯茄童童 一名港女近日係討論區上自爆前度係極品渣男。
一名港女近日係討論區上自爆前度係極品渣男。(圖片來源:Dcard討論區)

嘈交後復合 花心渣男搵上帝做藉口?

一名港女在討論區上發文表示渣男前度自稱係一名基督徒,但所作所為十分賤格。拍拖一個月兩人就嘈交甚至要分手,之後前度要求女事主觀看兩條教會崇拜嘅片段後寫一份反思報告俾佢,稱雙方嘅感情需要得到上帝嘅允許。女事主之後真係交咗份報告俾對方,而前度竟然話上帝認可咗佢哋嘅關係,可以復合。但復合三個月後女事主得知原來前度係因為當時鍾情其他人,所以同女事主嘈交博分手,其後前度更逼女事主返教會,話咁樣二人先可以有將來。

小薯茄童童 港女稱前度因為花心,心入面有第二個借嘈交做藉口想分手,轉頭又用上帝做理由復合。
港女稱前度因為花心,心入面有第二個借嘈交做藉口想分手,轉頭又用上帝做理由復合。(圖片來源:Dcard討論區)
小薯茄童童
(圖片來源:電視劇《幕後玩家》劇照)

倒貼兼陪渣男捱 地位仍敵不過小薯茄童童

該名港女在文中提及渣男前度炒股失敗,捉襟見肘嘅時候自己仍願意同佢捱日子,並曾貼錢幫補對方,更稱當時慳到連嗌杯凍檸茶都係奢侈要求!而當女事主心痛前度,陪佢同舟共濟之際,前度竟然為支持小薯茄嘅展覽,豪洗成千蚊!並同女事主講自己追咗小薯茄三年,話對佢而言小薯茄成員蔡曉童(童童)仲重要過女朋友!女事主不忿自己陪對方捱窮,竟然適不過童童係對方心目中嘅地位,於是決定分手。而令女事主更為氣憤嘅係分手前兩人租咗一個Studio,傢俬及清潔費用圴由女方支付,但分手後一年,前度先還錢俾女事主。

小薯茄童童 發文中提到女事主倒貼兼陪渣男前度捱窮,但前度竟然課金支持小薯茄嘅展覽,仲話童童比女朋友重要,女事主大感委屈,於是分手!
發文中提到女事主倒貼兼陪渣男前度捱窮,但前度竟然課金支持小薯茄嘅展覽,仲話童童比女朋友重要,女事主大感委屈,於是分手!(圖片來源:Dcard討論區)
小薯茄童童
(圖片來源:[email protected]
小薯茄童童
(圖片來源:[email protected]

極品渣男行徑令人嘩然 曾背住上一任女友偷情

港女繼續係發文中提到分手當日渣男前度拖拖拉拉,前言不對後語,最後更話唔好再聯絡。但分手後又不斷滋擾女事主,其中有一次又同女事主講呢一世都只係會鍾意童童一個女人,之後又係網上用假帳戶了解女事主近況,令女事主大感無奈。而女事主更係文中大爆渣男前度嘅花心情史,稱渣男前度同上一任女友交往3年,當中出軌2年,背住上一任女友帶其他女仔去日本偷情,行徑十分誇張!

小薯茄童童 港女繼續係發文中數爆渣男前度,更爆對方偷食情史。
港女繼續係發文中數爆渣男前度,更爆對方偷食情史。(圖片來源:Dcard討論區)
小薯茄童童
(圖片來源:電視劇《幕後玩家》劇照)

網民籲開渣男名 並笑稱:「童童應該會叫佢叫嗲」

最後港女係發文最尾提到擺脫渣男前度後,正蜜運中,現任亦對自己好好。一眾網民睇完貼文後表示驚訝女事主竟然可以忍耐呢位渣男前度咁耐,並呼籲女事主應該公開渣男前度姓名,免得再有人受害。亦有網民留言「童童躺著也中槍」,更有網民笑稱如果小薯茄童童知道渣男行為應該會叫佢「收嗲啦」。

小薯茄童童 港女係發文中稱現正蜜運中,現任對自己好好。
港女係發文中稱現正蜜運中,現任對自己好好。(圖片來源:Dcard討論區)
小薯茄童童 有網民驚訝前度咁渣女事主點可以忍受。
有網民驚訝前度咁渣女事主點可以忍受。(圖片來源:Dcard討論區)
小薯茄童童 不少網民呼籲女事主公開渣男姓名。
不少網民呼籲女事主公開渣男姓名。(圖片來源:Dcard討論區)
小薯茄童童 有網民稱童童好無辜。
有網民稱童童好無辜。(圖片來源:Dcard討論區)
小薯茄童童 更有網民笑稱童童應該會叫渣男「收嗲」。
更有網民笑稱童童應該會叫渣男「收嗲」。(圖片來源:Dcard討論區)
小薯茄童童
(圖片來源:[email protected]
小薯茄童童
(圖片來源:[email protected]

圖片來源:電影《獨家試愛》劇照、Dcard討論區、電視劇《幕後玩家》劇照、[email protected]

YOU MAY ALSO LIKE ...