網民:根本就係換臉級別!日本女諧星Hara國寶級化妝術

網民:根本就係換臉級別!日本女諧星Hara國寶級化妝術

【化妝術】唔知大家知唔知,化妝嘅「化」字係解做「化不可能為可能」,應該係,除非唔係!高超嘅化妝技術絕對遠超換面級,可以話係欺詐技術嘅最終奧義!日本有位女藝人以照騙為名,妝前妝後分別大到天堂與地獄級數。不過原來佢苦練化妝技術,背後原來有段故!

撰文:馬高斯 |圖片來源:PR TIMES、ゆにばーすIG、YouTube|編輯:海月

日本女諧星Hara國寶級化妝

日本女諧星Hara係搞笑藝人組合「ゆにばーす」成員之一,作為一位諧星成日要扮醜上節目。而另一個身份,以佢高超嘅化妝技術,化妝後如同脫胎換骨,五官變得精緻,瞬間變身成氣質可愛小女人。不過當佢解除「最強欺詐化妝術」,用返素顏真面目示人,會見到妝前嘅佢有如蠟筆小新嘅眉毛,眼睛細如兩條線,顴骨同臉型較為粗獷敦厚,成日被人笑係男人同原始人。

網民:根本就係整容級別!日本女諧星Hara嘅最強欺詐化妝術
日本女諧星Hara係搞笑藝人組合「ゆにばーす」成員之一
網民:根本就係整容級別!日本女諧星Hara嘅最強欺詐化妝術
化妝技術相當高超
網民:根本就係整容級別!日本女諧星Hara嘅最強欺詐化妝術
作為一位諧星成日要扮醜上節目
網民:根本就係整容級別!日本女諧星Hara嘅最強欺詐化妝術
妝前妝後分別大到天堂與地獄級數

睇返Hara嘅IG,喺未知妝前妝後係咩樣之前,唔少人會抱有疑問,點解IG會成日出現兩個唔同嘅女仔呢?當Hara公開咗佢嘅「最強欺詐化妝術」之後,對於妝前後轉變,網民都紛紛留言,「根本就係換臉級別!」、「妳iPhone嘅Face ID點樣解鎖?」、「睇到妳,我嘅人生又有返希望」、「根本就係詐騙集團!」、「我咩都唔講,只求化妝教學」。

網民:根本就係整容級別!日本女諧星Hara嘅最強欺詐化妝術
喺未知妝前妝後係咩樣之前,唔少人會抱有疑問,點解IG會成日出現兩個唔同嘅女仔呢?

Hara自已就唔太介意公開最醜同最靚嘅一面,不過亦有心累嘅時候,因為做女諧星最心酸嘅地方,就係要成日扮醜,會好容易搞到自己無晒自信。之所以苦練化妝,係希望有時候都可以打扮一下,似返一個普通嘅愛靚女仔。

網民:根本就係整容級別!日本女諧星Hara嘅最強欺詐化妝術
Hara自已就唔太介意公開最醜同最靚嘅一面

Hara喺近年人氣都好高,甚至推出咗自己嘅化妝教學書《ゆにばーすはらの#詐欺メイク》,仲喺去年4月開設Youtube Channel教化妝,由做丑角變身成美妝教主,其實都幾有正能量幾勵志!

化妝教學書《ゆにばーすはらの#詐欺メイク》
Hara喺近年人氣都好高,甚至推出咗自己嘅化妝教學書《ゆにばーすはらの#詐欺メイク》
網民:根本就係整容級別!日本女諧星Hara嘅最強欺詐化妝術
仲喺去年4月開設Youtube Channel教化妝,由做丑角變身成美妝教主

YOU MAY ALSO LIKE ...