肥宅快樂水

【你今日飲咗未】明知肥都要飲!日本人票選10大最愛「肥宅快樂水」

網絡熱話

廣告

世間有一種水叫「肥宅快樂水」,你明知超級唔健康,飲完會肥幾磅,但係佢又冰涼,又好有爽快感,一到夏天佢嘅魔力就更大,令人好難抗拒…無錯…就係講緊汽水!!!潮流會隨住時間改變,但係汽水喺人類心入面嘅地位就一直無改變過,由細就飲到大。日本有個網站goo ranking就做咗一個投票,票選中日本網民十大碳酸飲品排行榜,睇吓日本的榜首「肥宅快樂水」會係乜嘢!

撰文:馬高斯 |圖片來源: SUNTORY、楽天市場、PR TIMES、HKTVmall|編輯:海月

日本人票選10大最愛「肥宅快樂水」

肥宅快樂水第10位:WILKINSON碳酸水

炎炎夏日,齋飲水又口淡淡,飲汽水又好大罪惡感,反而有汽的碳酸水係一個唔錯嘅選擇!

明知肥都要飲!日本人票選大愛「肥宅快樂水」TOP10

肥宅快樂水第9位:LEMON SQUASH

LEMON SQUASH係不二家旗下嘅檸檬味汽水,又係一款相當之歷史悠久嘅國民級汽水,近年不二家嘅牛奶妹,仲推出咗LEMON SQUASH味香水!

明知肥都要飲!日本人票選大愛「肥宅快樂水」TOP10

肥宅快樂水第8位:雪碧

雪碧相信唔使多講,香港人一定非常熟悉,小編最鍾意就係檸檬味雪碧!
明知肥都要飲!日本人票選大愛「肥宅快樂水」TOP10

肥宅快樂水第7位:天然水SPARKLING

Suntory旗下嘅天然水SPARKLING,係日本人愛飲嘅三大碳酸水之一, 採用天然水同埋有機檸檬果汁製成,仲拎過唔少更獲得過獎!

明知肥都要飲!日本人票選大愛「肥宅快樂水」TOP10

肥宅快樂水第6位:CANADA DRY薑汁汽水

Canada Dry呢個品牌已經擁有過百年歷史,旗下嘅薑汁汽水係一款帶有薑汁微微辛辣,同埋碳酸兩種嘅衝擊,口味非常之醒神!

明知肥都要飲!日本人票選大愛「肥宅快樂水」TOP10

肥宅快樂水第5位;C.C Lemon

汽水應有嘅甜味與檸檬嘅酸味結合,口味清新,仲聲稱係含有相當於50個檸檬的维生素C。

明知肥都要飲!日本人票選大愛「肥宅快樂水」TOP10

肥宅快樂水第4位:可爾必思梳打

日本嘅可爾必思始創於明治41年,係相當之有歷史嘅日本飲品,本身已經夠好飲嘅乳酸口味,再加上碳酸嘅爽快感,真係無得輸!

明知肥都要飲!日本人票選大愛「肥宅快樂水」TOP10

肥宅快樂水第3位:Oronamin C

Oronamin C係日本非常之有人氣嘅即飲維他命、營養碳酸飲品,同寶礦力一樣係出自大塚制藥,官方聲稱每樽含有多種維他命,有助提升免疫力!

明知肥都要飲!日本人票選大愛「肥宅快樂水」TOP10

肥宅快樂水第2位:可口可樂

估唔到全球人都大愛嘅可口可樂止步喺第2名!可口可樂真係超人氣「肥仔水」,就算明知會致肥,都懶理照飲!

明知肥都要飲!日本人票選大愛「肥宅快樂水」TOP10

肥宅快樂水第1位:三矢梳打

呢支三矢梳打嘅包裝都幾唔起眼,喺日本便利店嘅雪櫃,見到都未必會買嚟飲。由朝日出產嘅三矢梳打始創於1884年,已經好多年嘅歷史,可以話係深入民心!

明知肥都要飲!日本人票選大愛「肥宅快樂水」TOP10

YOU MAY ALSO LIKE ...