【日本牛郎】肥大叔同老伯都有市場?大阪重口味中老年牛郎店

【日本牛郎】肥大叔同老伯都有市場?大阪重口味中老年牛郎店

畀錢去夜場開心,男嘅當然係想搵年輕貌美,女嘅會搵靚仔小鮮肉,估唔到喺日本竟然有一間男公關店,主打嘅唔係靚仔型男,反而係中年大叔嘅熟男店!仲要係有市場,有囡會去幫襯,世界真係滿希望,突然間好有正能量!我哋睇吓到底係咩一回事!

撰文:馬高斯 |圖片來源: 日本Prince網站|編輯:海月

大阪重口味中老年牛郎店

日本男公關,俗稱牛郎,去過東京玩嘅朋友,經開新宿歌舞伎町可能見過唔少大招牌,招牌上面係靚仔型格嘅小鮮肉。街上行過嘅牛郎首先外型係走肥亦會化妝,吸引唔少女士去幫襯。

【日本牛郎】肥大叔同老伯都有市場?大阪重口味中老年牛郎店

以往嘅情況,牛郎超過30歲就好難喺呢行繼續做落去,所以20多歲係吸金全盛期。不過日本大阪就有一間男公關店打破呢個限制,招攬一班中年男公關開「熟男店」,引起日本網民注意!講到呢度,男公關呢個行業其實日本好流行,並唔係色情行業,而係專門陪女客人飲酒傾計,唔少有錢貴婦、空虛寂寞凍嘅女人會去幫襯,年中都聽唔少有女士為咗搵心儀嘅牛郎用上好多嘅錢。呢間熟男店「Prince」,店入面嘅牛郎年齡由20歲至65歲都有,重點係顏值屬普通到唔再普通個種,有啲直頭係大叔,甚至目測根本係阿伯嚟!

【日本牛郎】肥大叔同老伯都有市場?大阪重口味中老年牛郎店
店入面嘅牛郎年齡由20歲至65歲都有
【日本牛郎】肥大叔同老伯都有市場?大阪重口味中老年牛郎店
有啲直頭係大叔
【日本牛郎】肥大叔同老伯都有市場?大阪重口味中老年牛郎店
目測根本係阿伯嚟!
【日本牛郎】肥大叔同老伯都有市場?大阪重口味中老年牛郎店
顏值屬普通到唔再普通個種
【日本牛郎】肥大叔同老伯都有市場?大阪重口味中老年牛郎店
原來現實都有「星君鼠」

有唔少日本網民不禁吐糟,「我仲以為係邊間建築公司嘅臨時工名單?!」、「求奇喺街度搵個工人都靚仔過佢哋」、「可能有熟女想揀返啲相近年紀嘅熟男呢!」,難道而家興夠樣貌普通貼地夠平宜近人?定係睇得「大叔的愛」多?

有部份日本女性竟然覺得,小鮮肉牛郎太普通,反而呢啲大叔有種沉實穩重嘅感覺,畀到人一份安心感。小編望下自己個肚腩,突然覺得世界充滿希望,應該夠資格去大阪應徵!

YOU MAY ALSO LIKE ...