39歲無業男、零收入零儲蓄!靠3招獲免費食物、住宿成功過活3年!

39歲無業男、零收入零儲蓄!靠3招獲免費食物、住宿成功過活3年!

疫情持續將近2年,唔少打工仔凍薪嘅凍薪,失業嘅失業,為咗生活開支可以話係R晒頭。衣食住行樣樣都係錢,日本最近一個節目《ABEMA 変わる報道番組#アベプラ》,就邀請咗一位39歲無業男上節目,呢位無業男勁就勁在已經3年無工作,零收入零儲蓄下,每一日只靠7部手機,免費獲得住宿同食物,簡直係令網民同小編我都大開眼界!

撰文:馬高斯 |圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー|編輯:海月

39歲無業男、零收入零儲蓄

呢位失業男叫「どぴゅ監督」,今年39歲,原來佢以前係從事電影行業,仲參演過AV做素人配角仔,亦都做過唔少兼職炒散。不過喺3年前慘成失業大軍嘅一員,然而佢做嘅唔係搵工,又唔係食軟飯,而係另有絕橋!

日本前電影導演39歲無業男 靠一招免費食物住宿過生活
呢位失業男叫「どぴゅ監督」(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)
靠7部手機過零yen生活!?
靠7部手機過零yen生活!?(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)

首先就係食物方面,失業前嘅佢持有7部手機,失業後就用持有嘅手機,去唔同嘅餐廳、超市等店舖,透過用手機打卡簽到、填問卷、玩遊戲等方法,換取免費食物同日常用品!

去唔同嘅餐廳、超市等店舖,透過用手機打卡簽到、填問卷、玩遊戲等方法,換取免費食物同日常用品!
去唔同嘅餐廳、超市等店舖,透過用手機打卡簽到、填問卷、玩遊戲等方法,換取免費食物同日常用品!(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)

另外,「どぴゅ監督」亦建議登記信用卡,指有時信用卡嘅迎新禮物相當高質。如果係價值高嘅物品,就會攞去轉售套現,再攞去交電話費或其他開支,有時佢仲試過迎新係入住高級酒店!

用信用卡嘅迎新禮物攞去轉售套現!
用信用卡嘅迎新禮物攞去轉售套現!(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)
有時佢仲試過迎新係入住高級酒店!
有時佢仲試過迎新係入住高級酒店!(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)

至於住宿方面,佢係長期靠朋友接濟,三位朋友屋企輪流住,作為交換,佢會幫手做家務、帶狗散步,或者做跑腿代勞。解決咗食同住,每日著嘅衫都好重要!佢身上嘅衫褲鞋襪,一係同朋友交換嘅二手衣物,一係就街外執返嚟棄置衣物。另外,「どぴゅ監督」強調絕對唔會收朋友畀嘅錢,一齊食飯都會堅持AA制。

佢係長期靠朋友接濟,三位朋友屋企輪流住
佢係長期靠朋友接濟,三位朋友屋企輪流住(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)

睇到呢到,相信唔少人都同小編一樣有個問題,就係搞咁多樣,有手有腳點解唔搵工返?佢就透露,3年前曾經有一份做電影導演嘅正職,不過佢覺得幫人打工好唔穩定,成日都會擔心失業嘅焦慮。而且佢唔想畀工作影響生活,朝九晚五都畀晒公司,壓力好大。

「どぴゅ監督」喺Twitter會分享佢嘅慳錢心得
「どぴゅ監督」喺Twitter會分享佢嘅慳錢心得(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)

最後佢認為而家嘅方法都係生存技巧嘅一種,所以唔想工作。咁呢位「どぴゅ監督」喺Twitter會分享佢嘅慳錢心得,不過有時都會受到網民嘅負面回應,覺得佢好厚面皮,只係為身邊嘅人帶嚟麻煩。

不過有時都會受到網民嘅負面回應,覺得佢好厚面皮,只係為身邊嘅人帶嚟麻煩。
不過有時都會受到網民嘅負面回應,覺得佢好厚面皮,只係為身邊嘅人帶嚟麻煩。(圖片來源:ABEMA 変わる報道番組#アベプラ、[email protected]どぴゅ監督@エロ乞食バックパッカー)

YOU MAY ALSO LIKE ...