日本公園千奇百趣設施!隨時玩到變絕子絕孫

日本公園千奇百趣設施!隨時玩到變絕子絕孫

【日本公園】想當年阿媽放我落去公園玩一轉,雖然簡單但係夠晒開心先!而家大個咗去日本旅行,有時見人哋啲公園設施,又靚又多花款,認真葡萄日本小朋友!不過日本花款多得嚟,仲要都幾千奇百趣,甚至可以用驚嚇去形容,有個滑梯仲要一個唔小心,隨時玩到絕子絕孫!

撰文:馬高斯 |圖片來源: 清水公園、鎌ケ谷船橋あたり、tana Blog、すみれもの日記、[email protected]、ninohajim|編輯:海月

日本公園:香蕉型滑梯

日本公園呢條香蕉型滑梯,被日本網民稱為「破壞香蕉專用嘅香蕉」,因為香蕉滑梯採用一開三嘅設計,睇返滑梯上嘅教學說明,係畀6至12歲小朋友可以自行選擇瀡落其中一個出口,大大增加樂趣!不過唔少網民就覺得係好心做壞事,設計中存有問題,如果小朋友瀡嗰陣係張開隻腳,分分鐘會撞中下面,搞到小朋友細細個就要經歷「男人最痛」。

隨時玩到絕子絕孫!日本公園的千奇百趣

咁奇特的滑梯好快就成為話題,仲有網民惡搞畫出分屍圖!

隨時玩到絕子絕孫!日本公園的千奇百趣

千奇百趣又點止香蕉滑梯,來自中國嘅熊貓,懶洋洋又肥得嚟可愛,一直深受日本人愛戴,喺日本各地公園會搵到好多相關嘅玩樂設施,不過外觀就比較詭異,甚至令人不安!

日本公園:熊貓公園設施

過去日本綜藝節目《周一開始熬夜(月曜から夜ふかし)》就介紹咗大分市北下郡公園嘅一座奇怪熊貓雕像,相片一公開小編我都睇到O晒咀,呢隻嘢你同我講係熊貓?!正所謂有奶便是娘,唔通有黑眼圈就一定係熊貓?!

隨時玩到絕子絕孫!日本公園的千奇百趣

呢隻嘢個樣,拍得住平時大陸啲翻版高達、超人同迪士尼樂園咁!係咪想以其人之道,還治其人之身,去反擊大陸?(笑)

隨時玩到絕子絕孫!日本公園的千奇百趣

至於呢個熊貓滑梯,可能低處未算低,呢個第一眼望落就正正常常,不過細心啲觀察,小朋友喺背後爬上滑梯,再從肚入面瀡落嚟。唔好意思,我呢啲大人比較多雜念,感覺上好血淋淋。

隨時玩到絕子絕孫!日本公園的千奇百趣

呢隻貪食嘅熊貓,本應係好可愛,唔知係咪得罪咗設計師,最後變咗異形樣,夜晚見到認真驚嚇!

隨時玩到絕子絕孫!日本公園的千奇百趣

日本公園:超危險公園設施

剛才介紹嘅香蕉型滑梯,都叫做只係破壞蛋蛋,又未有生命危險,不過以下介紹嘅設施真係玩命咁玩!話說千葉縣有一個清水公園,園入面有個水上樂園,當中嘅水上吊橋、水上泰山,仲有喺水面跑嘅設施,難度又高,隨時都會跳落水,畀小朋友玩真係幾危險!

隨時玩到絕子絕孫!日本公園的千奇百趣
園入面有個水上樂園,當中嘅水上吊橋、水上泰山,仲有喺水面跑嘅設施,難度又高,隨時都會跳落水

跟住我哋飛去栃木縣,喺新栃木站前有一個細細嘅公園,遠望好似正正常常,行近啲一睇,嘩!個滑梯同前面牆壁距離超近,瀡落去嘅衝力撞埋牆度,唔好話小朋友,大人都好傷!

隨時玩到絕子絕孫!日本公園的千奇百趣
個滑梯同前面牆壁距離超近,瀡落去嘅衝力撞埋牆度

YOU MAY ALSO LIKE ...