【港產片】麻雀大俠當年住邊?新年必睇賀歲片《嚦咕嚦咕新年財》聖地景點巡禮

【港產片】麻雀大俠當年住邊?新年必睇賀歲片《嚦咕嚦咕新年財》聖地景點巡禮

又到新年,平時去親戚屋企拜年悶悶哋,都會睇吓電視解悶,每到新年電視都會播舊嘅賀歲片,當中劉德華主演嘅《嚦咕嚦咕新年財》真係睇到滾瓜爛熟,由後面背返去前面都仲得!最近有位YouTuber喺香港搵返啲取景地出嚟!今次就算我哋睇取景地回味一下!

撰文:馬高斯 |圖片來源:[email protected]|編輯:海月

【港產片】麻雀大俠當年住邊?新年必睇賀歲片《嚦咕嚦咕新年財》聖地景點巡禮

嚦咕嚦咕新年財聖地1. 麻雀大俠大戰師奶殺手嘅地方(尖沙咀海防道臨時街市)

電影一開頭德華幫師奶朋友討回公道,走入街市同有「師奶殺手」稱號嘅青雲老豆大戰。咁從戲中可以見到街市外面有拱形樓梯,同埋有石柱嘅建築物,入面仲有檔賣魚嘅聯興鮮魚,所以就係尖沙咀嘅海防道臨時街市!過咗咁多年裝修過之後就轉晒位,不過天井嘅鐵支架就比較少有,而且一直無改變!

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地2. 麻雀大俠遇上前女友嘅地方(九龍城南角道)

麻雀大俠嘅女朋友詠琪,曾經做過空姐、交通警同稅務局職員,咁喺做交通警遇上喺車度瞓緊教嘅德華。呢度原來係九龍城南角道,附近係賣一啲佛教用具,仲有樂善堂內嘅球場,不過當時戲中附近嘅舖頭就執得七七八八。

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地3. 麻雀大俠教女友牌品嘅地方(九龍城冠和酒莊)

女友詠琪人品差到一個點,所以牌品都好差。德華孖住佢去咗一間「X和酒莊」度打返幾局,當時仲教佢「人品,好牌品自然好」嘅大道理。原來呢度係一間75年老舖「冠和酒莊」,位於候王道九龍城街市附近,隔離有間九龍城獅子會學生健康服務中心。

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地4. 天樂被人扼打麻雀嘅地方(荔景祖堯邨)

斯斯文文,呆呆濟濟嘅麻雀大俠細佬天樂,喺一個屋村入面食咗個波餅,再被人扼咗去打麻雀,最後輸清光嘅地方,其實就係荔景祖堯邨嘅空地平台,呢度嘅錯層式屋村設計,可以話係香港絕無僅有,亦好有80、90年代嘅味道!

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地5. 麻雀大俠風光時住嘅豪宅(石澳)

德華由爛賭二變身成麻雀大俠,贏錢好風光嘅時候,當然住豪宅靚屋喇!原來間大屋豪宅係位於石澳郊區,建築外型獨特又只得一層,大屋仲係對住海景同哥爾夫球場。

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地6. 麻雀大俠落難時住嘅公屋(彩虹邨)

德華多次拒絕詠琪嘅愛意,詠琪太嬲嬲豬就詛咒德華一世摸爛牌,結果風光嘅麻雀大俠輸晒身家,仲落難住公屋。雖然德華落難,但係詠琪都會去搵吓佢,電影有一幕詠琪將垃圾倒出街,見到對面係基華小學,所以呢度就係彩虹邨!

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地7. 老人癡呆阿媽叫外賣撞見德華嘅地方(西貢龍蝦灣路)

德華阿媽患有老人癡呆,於是成日唔記得佢個仔,有一次阿媽叫外賣叫到走咗出屋,拎住個電話撞到喺便利店前打緊麻雀嘅德華。出咗屋個條路其實就係西貢嘅龍蝦灣路,不過好搞笑地阿媽住間屋係深井嘅名苑度取景,兩個地方係唔同!

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

嚦咕嚦咕新年財聖地8. 青雲嘅聚腳地(觀塘駿業街)

電影入面麻雀大俠打過好多局牌,其中比較重要,戲份比較重嘅就係一間酒家,青雲同佢老豆,仲有班手下嘅聚腳地。原來呢度係觀塘駿業街嘅富多寶海鮮酒家,不過酒家已經多年前清盤,後來變成悅軒海鮮酒家,但係而家都係執埋。

【港產片】新年必睇賀歲片《嚦咕嚦咕新年財》聖地巡禮

【港產片】新年必睇賀歲片《嚦咕嚦咕新年財》聖地巡禮

想知道更詳細介紹,同埋更多嘅取景地,可以睇返希比以下兩條片!

 

「希比」黃亦彤係電台主持同YouTuber,而家主持《晨早彤樂園》,曾經主持過《原來生活好快樂》、《電玩一族》、《星之CAR比》。YouTube Channel(HEBEFACE)主要介紹香港電影聖地巡遊、打機直播、生活日常等等的內容。

【港產片】麻雀大俠當年住邊?新年必睇賀歲片《嚦咕嚦咕新年財》聖地景點巡禮

YOU MAY ALSO LIKE ...