天水圍餐廳

天水圍餐廳陷抽水疑雲 網民由支持變要求食客道歉?!

網絡熱話

廣告

上週5(15日)一位男網民於「天水圍群組」出長文投訴一間天水圍餐廳的職員抽水佢女朋友,公開該餐廳、職員相片,一開始唔少網民都支持該男網民,不斷鬧餐廳職員。事隔幾日後,該餐廳出咗cctv片段為職員澄清,事情峰迴路轉,網民態度即180度轉變,亦有網民睇完片段後指控該對情侶根本就係早有預謀?

天水圍餐廳
(圖片來源:[email protected]樂湖刀削麵 LokWu Noodles)

男網民投訴餐廳職員送餐時抽水女朋友

一名男網民於「天水圍群組」出長文投訴一間天水圍餐廳的職員抽水佢女朋友,事源該對情侶去一間天水圍餐廳食飯,該餐廳男職員經過送餐、執檯時身體貼近女事主的背脊,被指控該職員係有心抽水,指係連續3次,女朋友亦啞忍2次後才發聲話佢「痴得太貼」。指控相當嚴重,話該職員實在係明目張膽,根本係「病態」!雖然文章都有講職員有立即道歉,話自己唔小心,但係該男網友就以唔想有下一個受害者的名義將該男職員以及餐廳收據圖放咗上「天水圍群組」。網民當時對男網民的指責都為他們抱打不平「條友一定係有病」「好明顯有心」「支持」

完整內文:

天水圍餐廳
(圖片來源:[email protected]天水圍群組)
天水圍餐廳
(圖片來源:[email protected]天水圍群組)

事情峰迴路轉餐廳反擊出cctv片段為職員澄清

昨日該餐廳出咗一條約40幾分鐘的cctv的片段,希望為職員澄清,指該職員只係因為身形略為壯闊,就算係有刻意避開,都難免有碰撞,而該職員到底係真係故意定係唔小心由網民自行判斷。整段cctv清楚可見當時男女事主當時用餐情況,當時餐廳環境狹窄,正如男事主所言真係職員係3次經過女事主身旁送餐,女事主亦有因此將餐檯移開令職員方便進出,事後被責備時該職員亦有立即道歉。事後餐廳出post指出事主不斷要求餐廳處理該事件,餐廳老闆指事主指控實屬嚴重,唔係想偏幫,只係想搞清楚件事。

天水圍餐廳 圓檯情侶投訴白色衫職員送餐時太貼,3番4次感覺係有意
圓檯情侶投訴白色衫職員送餐時太貼,3番4次感覺係有意(圖片來源:[email protected]樂湖刀削麵 LokWu Noodles)
天水圍餐廳 職員立即道歉
職員立即道歉(圖片來源:[email protected]樂湖刀削麵 LokWu Noodles)
天水圍餐廳
(圖片來源:[email protected]樂湖刀削麵 LokWu Noodles)
天水圍餐廳
(圖片來源:[email protected]樂湖刀削麵 LokWu Noodles)
天水圍餐廳
(圖片來源:[email protected]樂湖刀削麵 LokWu Noodles)

風向180度轉變 網民力撐餐廳 要求男女事主道歉

自餐廳公開cctv片段後,唔少網民都認為職員並唔係有心,仲話只係見到係職員肚腩頂到女事主,不斷攻擊該對男女事主坐姿、外表等「我覺得應該要投訴自己個男朋友先,明知個個位有機會比人high到自己女朋友都唔同女朋友調位。男朋友自己就坐個最舒服既位置,又唔主動建議女朋友坐另一張櫈。佢完全無意識保護自己個女朋友。」「個女客人自己寒住背咁食,本身又坐得離枱,你同事行過第一二次佢都唔坐埋少少,大晒咁」「去搭地鐵咪死得,咁多人黐埋一齊」「巨大版白雪公主返城堡啦,啲平民嘢唔啱你食」「應該係你哋道歉!」「男朋友點解唔同女朋友 轉位呢~~~比人撞3次」「賺你果幾十蚊,霸曬成張枱」「要反省自己係你地兩個囉」「職員就分分鐘蒙上一世陰影,好耐都未試過咁嬲」。

天水圍餐廳 網民轉風向
網民轉風向(圖片來源:[email protected]天水圍群組)

女事主不甘示弱再長文反擊:迫係咪代表可以抽水?

女事主不甘示弱不斷長文反擊認為發生呢種事唔關靚唔靚事,亦指自己會報警處理,斥網民明明自己係受害者,反而叫女士唔好出街。指責現時社會風氣問題嚴重,好似迫就可以抽人水,強調自己無冤枉人。

天水圍餐廳
(圖片來源:[email protected]天水圍群組)
天水圍餐廳
(圖片來源:[email protected]天水圍群組)

質疑該事主係早有預謀?!

cctv可清楚見到該男職員一開始並無故意在女事主身旁或身後送餐,只係因為男事主突然換位,職員才只好在女事主身後送餐。亦有唔少網民不斷翻查cctv,指該事主po上群組餐廳收據照片係一早影定,當時該職員仲未經過女事主的身旁。認為事主係一早有預謀做呢件事。「原來想屈人結果條女x左/樣x失敗告終」「兩個咁x cheap,條女好冇大志,咁嘅仔都溝得落仲要幫手做戲,真愛囉」「天地有正氣」「條仔專登掉位頂住肥仔傳菜,好xx街 擺明屈人,明明可以同條女掉位搞掂」

天水圍餐廳 網民轉風向
網民轉風向(圖片來源:[email protected]天水圍群組)
天水圍餐廳
(圖片來源:[email protected]天水圍群組)
天水圍餐廳 cctv可見本來男事主坐位,職員可從男事主身旁的空間送餐
cctv可見本來男事主坐位,職員可從男事主身旁的空間送餐(圖片來源:[email protected]樂湖刀削麵 LokWu Noodles)
天水圍餐廳 反來男事主改動坐位,令職員要繞過女事主身旁才能送餐
反來男事主改動坐位,令職員要繞過女事主身旁才能送餐(圖片來源:[email protected]樂湖刀削麵 LokWu Noodles)

關鍵詞
西客
圖片來源:[email protected]樂湖刀削麵 LokWu Noodles,[email protected]天水圍群組

YOU MAY ALSO LIKE ...